Футбол бўйича Испания Ла Лигасининг 3-турида “Барселона” 27 август, якшанба куни “Вильярреал”га қарши баҳс олиб борди.
Учрашувнинг 12-дақиқасида Гави Ямалнинг узатмасидан сўнг ҳисобни очди. Орадан 3 дақиқа ўтиб, Френки де Йонг ажойиб комбинацияни голга айлантирди. 26-дақиқада Хуан Фойт ҳисобни қисқартирган бўлса, биринчи бўлим якунланишига 5 дақиқа қолганда Александер Сорлот мувозанатни тиклади. Шу тариқа жамоалар дуранг натижа билан танаффусга йўл олди.
Иккинчи бўлимни фаол бошланган “Вильярреал” 50-дақиқада Алехандро Баэнанинг голи эвазига ҳисобда олдинга чиқиб олди. 68-дақиқада эса захирадан майдонга тушган Ферран Торрес ҳисобни тенглаштирди. 71-дақиқада Роберт Левандовски каталонияликларнинг тўртинчи голига муаллифлик қилди. Қолган дақиқаларда жамоалар дарвозаларни ишғол этмади ва “кўк-анорранглилар” зафар қучди.
Шу тариқа Хави шогирдлари очколари сонини 7 тага етказиб, 3-ўринга кўтарилиб олди.
Ла Лига
3-тур баҳси
27 август, якшанба
“Вильярреал” – “Барселона” 3:4
Голлар: 0:1 – 12 Гави, 0:2 – 15 де Йонг, 1:2 – 26 Фойт, 2:2 – 40 Серлот, 3:2 – 50 Алекс Баэна, 3:3 – 68 Ферран Торрес, 3:4 – 71 Левандовски.
“Вильярреал”: Йоргенсен, Фойт, Габбия, Куэнка, Террац (Комесаня, 70), Педраса, Алекс Баэна (Моралес, 77), Капу (Денис Суарес, 70), Парехо (Диас, 86), Жерар Морено (Ахомаш, 70), Серлот.
“Барселона”: тер Стеген, Сержи Роберто, Кристенсен (Эрик Гарсия, 46), Кунде, Алонсо, Гундўған (Марин, 87), Ромеу (Ферран Торрес, 63), де Йонг, Гави, Ямал (Фати, 76), Левандовски.
Огоҳлантиришлар: Ямал (44), Фойт (45), Левандовски (45), Террац (57), Габбия (80), Эрик Гарсия (82).
Изоҳ (0)