Ла Лига АҚШда ўйин ўтказишни рад этди.
Испания чемпионатининг 18-туридан ўрин олган “Барселона” ва “Атлетико” ўртасидаги баҳс Майамида ўтказилиши режалаштирилган эди. Бироқ Diario Sport нашрининг хабарига кўра, Ла Лига бу ғоядан воз кечган ва учрашув Каталонияда бўлиб ўтади.
Бундай қарорнинг сабабларидан бири Испанияда яқинда содир бўлган сув тошқини билан боғлиқ. Ла Лига президенти Хавер Тебас ҳозирги пайтда учрашувни Қўшма Штатларда ўтказиш учун муносиб вақт эмас, деб ҳисобламоқда.
Режаларнинг бекор қилинишининг яна бир сабаби Испания Қироллик футбол федерациясидаги вазиятдир. Ҳозирда у ерда доимий президент йўқ. Айнан шу ташкилот ўйиннинг мамлакат ташқарисида ўтказилишини тасдиқлаши керак, аммо ҳозирча уни вақтинчалик директорлар кенгаши бошқармоқда.
Ла Лига раҳбарияти 2025 йилда АҚШда ўйин ўтказиш имкониятини истисно этмайди.
Испания чемпионати ўйинини хорижда ўтказиш ғояси учинчи марта амалга ошмади: дастлабки икки уриниш 2019 йилда “Жирона” — “Барселона” ва “Вильярреал” — “Атлетико” ўйинлари билан бўлган эди.
“Кўк-анорранглилар” Майамида учрашув ўтказиш орқали тахминан 6 миллион евро даромад олишни режалаштирган ва мухлислар учун чартер рейсларини ташкил этиш бўйича музокаралар олиб борган эди.
Изоҳ (0)