Футбол бўйича Испания Ла Лигасининг 19-турида “Барселона” 4 январь, пайшанба куни “Лас-Палмас”га қарши баҳс олиб борди.
Каталонияликлар 11-дақиқада жиддий йўқотишга учради. Жамоа ҳимоячиси Жоау Канселу жароҳат олди ва унинг ўрнини Кристенсен эгаллади. 12-дақиқада Мунир ҳисобни очди. Биринчи бўлим “Лас-Палмас”нинг кичик устунлиги билан якунланди.
Иккинчи бўлимда ҳам “кўк-анорранглилар” ҳужумкорликни тўхтатмади. 55-дақиқага келиб, бу иш берди. Ферран Торрес ҳисобни тенглаштирди. Ўйин охири эса воқеаларга бой бўлди. Дастлаб, ҳакам қўшиб берган илк дақиқада Жоау Феликс дарвоза томон зарба берди, посбон эса уни қайтарди. Қайтган тўпга Илкай Гундўған етиб олганида, уни рақиб ҳимоячиси туртиб юборди. Синкгравен қизил карточка олди. Шу тариқа ҳакам ўйин сўнгида пенальти белгилади. 90+3-дақиқада Илкайнинг ўзи пенальтини аниқ амалга ошириб, “Барселона”нинг ғалабасини таъминлади.
Ла Лига
19-тур баҳси
4 январь, пайшанба
“Лас-Палмас” – “Барселона” 1:2
Голлар: 1:0 – 12 Мунир, 1:1 – 55 Ферран Торрес, 1:2 – 90 Гундўған.
“Лас-Палмас”: Валес, Суарес (Синкгравен, 83), Коко, Мармол, Кардона, Хави Муньос, Родригес, Перроне, Молейро (Луаодис, 68), Сандро Рамирес (Пехино, 68), Мунир (Кардона, 59).
“Барселона”: Пеня, Жоау Канселу (Кристенсен, 11), Кунде, Араухо, Балде, Сержи Роберто (Лопес, 78), Гундўған, де Йонг, Рафинья (Ямал, 72), Ферран Торрес (Роке, 78), Левандовски (Жоау Феликс, 72).
Огоҳлантиришлар: Сержи Роберто (20), Хави (20), Суарес (58), Коко (79), Ямал (81), Хави Муньос (88), Кардона (89), Родригес (90).
Четлатиш: Синкгравен (90).
Изоҳ (0)