Ла Лига. “Барселона” “Бетис” дарвозасига жавобсиз 5 та гол урди (видео)

Футбол бўйича Испания Ла Лигасининг 5-турида “Барселона” 16 сентябрь, шанба куни “Бетис”га қарши баҳс олиб борди.

Учрашувнинг 25-дақиқасида Жоау Феликс ҳисобни очди. 32-дақиқада эса Левандовски каталонияликларнинг иккинчи голига муаллифлик қилди. 62-дақиқада Ферран Торрес жарима зарбасини голга айлантириб, ҳисобни йириклаштирди.

Орадан 4 дақиқа ўтиб, Рафинья узоқдан ажойиб зарба бериб, дарвозани ишғол қилди. 81-дақиқада эса Жоау Канселу ҳам қойилмақом рейд амалга ошириб, ўз ҳисобига гол ёздириб қўйди.

Ушбу ғалабадан сўнг “кўк-анорранглилар” очколари сонини 13 тага етказиб, биринчи ўринга кўтарилиб олди.

Ла Лига

5-тур баҳси

16 сентябрь, шанба

“Барселона” – “Бетис” 5:0

Голлар: 1:0 – 25 Жоау Феликс, 2:0 – 32 Левандовски, 3:0 – 62 Ферран Торрес, 4:0 – 66 Рафинья, 5:0 – 81 Жоау Канселу.

“Барселона”: тер Стеген, Жоау Канселу, Кристенсен (Мартинес, 76), Кунде, Балде (Алонсо, 76), Ромеу (Гундўған, 64), де Йонг, Гави, Жоау Феликс (Ямал, 64), Ферран Торрес (Рафинья, 64), Левандовски.

“Бетис”: Руй Сильва (Вейтес, 46), Белерин, Бартра, Риад, Миранда, Иско (Родри, 66), Рока (Родригес, 66), Алтимира, Перес (Хуан Крус, 66), Луис Энрике (Эззалзули, 46), Виллиан Жозе.

Огоҳлантиришлар: Бартра (72), Родригес (84), Мартинес (86).