Англиянинг “Манчестер Сити” футбол клуби бош мураббийи Хосеп Гвардиола ва унинг рафиқаси Кристина Серра 30 йиллик турмушдан сўнг ажрашгани маълум бўлди. Бу ҳақда Диарио Спорт хабар бермоқда.
Манбага кўра, жуфтлик бу қарорни 2024 йилнинг декабрида қабул қилган, аммо улар ўз яқин атрофидаги кишилардан вазиятнинг тафсилотларини оммага ошкор қилмасликни сўраган.
Гвардиола Серра билан 1994 йилда танишган. Ўша пайтда у Испания термаси ва “Барселона” клубининг футболчиси эди. 20 йил ўтиб расмий равишда турмуш қурган. Уларнинг уч фарзанди бор: Мария (2000 йилда туғилган), Валентина (2008 йил) ва Марий (2003 йил).
Маълум бўлишича, Гвардиола ва Серра 2019 йилдан бери доимий равишда бирга яшамаган. Ўша пайтда мураббийнинг рафиқаси, фарзандларининг бири билан Манчестерни тарк этиб, модалар соҳасидаги компаниясини бошқаришни бошлаган.
Таъкидланишича, жуфтликнинг дўстона муносабатлари сақланиб қолган. Ажрашгандан сўнг уларни Барселонадаги театрда қизларидан бири билан кўришган.
Изоҳ (0)