Ла Лига. “Барселона” “Сельта”га қарши баҳсда суперкамбек амалга ошириб, ғалабани илиб кетди (видео)

Футбол бўйича Испания Ла Лигасининг 6-турида “Барселона” 23 сентябрь, шанба куни “Сельта”га қарши баҳс олиб борди.

Учрашувнинг 19-дақиқасида Ёрген Ларсен ҳисобни очди. Биринчи бўлимда бошқа гол урилмади. 

Иккинчи бўлимда “Сельта” ҳисобни ишончли кўринишга олиб келди. 76-дақиқада Анастасиос Дувикас бу ишни уддалади. Бироқ, 80-дақиқадан сўнг каталонияликлар кетма-кет голлар ура бошлади.

Дастлаб, 81-дақиқада Левандовски ҳисобни қисқартирган бўлса, 85-дақиқада полшалик ҳужумчининг ўзи мувозанатни ҳам тиклади. 89-дақиқада эса Жоау Канселу “кўк-анорранглилар”ни ҳисобда олдинга олиб чиқди.

Шу тариқа каталонияликлар суперкамбек амалга ошириб, ғалабани илиб кетди.

Ла Лига

6-тур баҳси

23 сентябрь, шанба

“Барселона” – “Сельта” 3:2

Голлар: 0:1 – 19 Ларсен, 0:2 – 76 Дувикас, 1:2 – 81 Левандовски, 2:2 – 85 Левандовски, 3:2 – 89 Жоау Канселу.

“Барселона”: тер Стеген, Жоау Канселу, Кристенсен (Балде, 60), Кунде, Алонсо (Ямал, 46), Гундўған, Ромеу (Араухо, 46), де Йонг (Гави, 36), Жоау Феликс, Ферран Торрес (Рафинья, 72), Левандовски.

“Сельта”: Вильяр, Мингеса, Старфелт, Нуньес, Домингес, Ристич, Де Ла Торре, Бельтран, Бамба, Аспас (Сведберг, 78), Ларсен (Дувикас, 66).

Огоҳлантиришлар: Кристенсен (36), Гави (39), Нуньес (43).