Япониядаги кичик хонадонлар, айниқса, Токиода жойлашган “микро квартиралар” ўзининг майдони ва функсионал дизайни билан машҳур. 5-10 квадрат метрга тенг квартиралар одатда ёшлар, талабалар ёки ёлғиз яшайдиганлар учун мўлжалланган. Япония ва Хитойда жойлашган кичик яшаш жойлари, капсула уйлар ва квартиралар мегаполис шаҳарлардаги жойнинг чекланганлиги туфайли аҳоли орасида кенг тарқалган.
Фото: Mydecor.ru
Келинг, Шанхайдаги бу кичкина квартирани батафсил кўриб чиқишдан аввал мини уйлар юзага келиш тарихини кўриб чиқайлик.
Микро уйлар катта шаҳарларда аҳолининг ҳаддан ташқари ортиш муаммоси туфайли ишлаб чиқилган ва бу масала ҳозир ҳам долзарб ҳисобланади. Шарқ мамлакатларида кенг тарқалган бундай уйлар ижара нархини тежашга ҳам ёрдам беради.
Фото: Mydecor.ru
Фото: Mydecor.ru
Агар сиз Токиога саёҳат қилган бўлсангиз ёки япон фильмларини томоша қилган бўлсангиз, у ерда квартиралар қанчалик кичкина бўлишининг гувоҳи бўлганингиз аниқ. Демографик ўсиш муаммони қисман ҳал қилиш учун 1960 йилларда Японияда капсула уйлари ишлаб чиқилган. Унинг йўлга қўйилиши метаболизм ҳаракатининг асосчиларидан бири, япон меъмори Кишо Курокава бош бўлган.
Архитектурадаги метаболизм — 1960-70 йилларда Японияда пайдо бўлган ноёб ва ўзига хос меъморчилик услубидир — таҳр.
Фото: Mydecor.ru
Фото: Mydecor.ru
Бундай ҳаракатнинг энг машҳур ғояларида бири Токиодаги Накагин капсула минораси бўлиб, 1972 йилда қурилган ва ҳозирда демонтаж қилинган. У 4,5 квадрат метр майдонга эга 144 та турар-жойдан иборат эди. Бундай квартираларда ҳаёт учун зарур бўлган барча нарса: тўшак ва ҳаммомдан тортиб мини-ошхона ва иш жойигача бор.
Японияликлардан илҳомланиб Хитойда ҳам капсула уйлари тез орада қурила бошланди. Европада эса бундай ғоя амалга оширилмади, лекин Ғарб дунёсида капсула меҳмонхоналар қурила бошлади.
Қуйида Шанхайдаги атиги 9 квадрат метр майдонга эга хонадонга виртуал саёҳат қиламиз:
Изоҳ (0)