Yaponiyadagi kichik xonadonlar, ayniqsa, Tokioda joylashgan “mikro kvartiralar” o‘zining maydoni va funksional dizayni bilan mashhur. 5-10 kvadrat metrga teng kvartiralar odatda yoshlar, talabalar yoki yolg‘iz yashaydiganlar uchun mo‘ljallangan. Yaponiya va Xitoyda joylashgan kichik yashash joylari, kapsula uylar va kvartiralar megapolis shaharlardagi joyning cheklanganligi tufayli aholi orasida keng tarqalgan.
Foto: Mydecor.ru
Keling, Shanxaydagi bu kichkina kvartirani batafsil ko‘rib chiqishdan avval mini uylar yuzaga kelish tarixini ko‘rib chiqaylik.
Mikro uylar katta shaharlarda aholining haddan tashqari ortish muammosi tufayli ishlab chiqilgan va bu masala hozir ham dolzarb hisoblanadi. Sharq mamlakatlarida keng tarqalgan bunday uylar ijara narxini tejashga ham yordam beradi.
Foto: Mydecor.ru
Foto: Mydecor.ru
Agar siz Tokioga sayohat qilgan bo‘lsangiz yoki yapon filmlarini tomosha qilgan bo‘lsangiz, u yerda kvartiralar qanchalik kichkina bo‘lishining guvohi bo‘lganingiz aniq. Demografik o‘sish muammoni qisman hal qilish uchun 1960-yillarda Yaponiyada kapsula uylari ishlab chiqilgan. Uning yo‘lga qo‘yilishi metabolizm harakatining asoschilaridan biri, yapon me’mori Kisho Kurokava bosh bo‘lgan.
Arxitekturadagi metabolizm — 1960-70-yillarda Yaponiyada paydo bo‘lgan noyob va o‘ziga xos me’morchilik uslubidir — tahr.
Foto: Mydecor.ru
Foto: Mydecor.ru
Bunday harakatning eng mashhur g‘oyalarida biri Tokiodagi Nakagin kapsula minorasi bo‘lib, 1972-yilda qurilgan va hozirda demontaj qilingan. U 4,5 kvadrat metr maydonga ega 144 ta turar-joydan iborat edi. Bunday kvartiralarda hayot uchun zarur bo‘lgan barcha narsa: to‘shak va hammomdan tortib mini-oshxona va ish joyigacha bor.
Yaponiyaliklardan ilhomlanib Xitoyda ham kapsula uylari tez orada qurila boshlandi. Yevropada esa bunday g‘oya amalga oshirilmadi, lekin G‘arb dunyosida kapsula mehmonxonalar qurila boshladi.
Quyida Shanxaydagi atigi 9 kvadrat metr maydonga ega xonadonga virtual sayohat qilamiz:
Izoh (0)