Британиялик собиқ футболчи ва футбол тарихидаги энг машҳур шахслардан бири Дэвид Бекҳэм рафиқаси Виктория Бекҳэм билан Майами Бичда янги уй харид қилмоқчи. Ҳашаматли ҳовли 78,5 миллион долларга баҳоланган.
Янги уй Майами шаҳрининг North Bay Road деб номланувчи элита районида жойлашган. Бу ҳудудда Мэтт Деймон ва Женнифер Лопес каби юлдузлар яшайди.
Уйнинг деразалар Калифорния кўрфазига қарайди. Хонадон тўққизта ётоқхона, тўртта ҳаммом, ошпазлар учун ошхона, шахсий кинотеатр, спорт зали, спа-салон ва бассейндан иборат.
Манбаларга кўра, Бекҳэм ўзига тегишли бўлган “Интер Майами” футбол клубига яқинроқ бўлиш истагидан келиб чиқиб, ушбу кўчмас мулкни харид қилиш бўйича сотувчилар билан музокаралар олиб бормоқда. Машҳурлар эътиборини тортган ҳашаматли уй ўзининг гўзаллиги ва қулай жойлашуви билан ажралиб туради.
Бекҳэмлар оиласи ҳозирда яшайдиган уйини 2013 йилда 28 миллион долларга харид қилган. Улар бутун дунё бўйлаб бир нечта кўчмас мулкларга эга, жумладан, АҚШ, Буюк Британия, Франция, БАА ва Европа давлатларида турар жойлари бор.
Дэвид ва Виктория 1997 йилда танишган. Орадан бир йил ўтмай улар унаштирилганини эълон қилади ва 1999 йил 4 июлда оила қуради. Машҳурларнинг Бруклин, Круз ва Ромео исмли ўғиллари, Ҳарпер исмли қиз фарзанди бор.
Изоҳ (0)