Энрике Иглесиас Анна Курникова дунёдаги энг машҳур жуфтликлардан бири. Испаниялик хонанда ва россиялик спортчи 20 йилдан ортиқ вақт давомида бахтли муносабатларда яшаб келмоқда. Уларнинг ҳаёти ҳар доим бутун дунё бўйлаб миллионлаб мухлисларда катта қизиқиш уйғотади. Кўп фарзандли юлдузлар ҳозирда қаерда яшайди ва бахтиёр оила нималар билан банд?
Энрике Иглесиас Анна Курникованинг уйи
Анна Курникова ва Энрике Иглесиас Флорида штатининг Майами шаҳридаги ҳашаматли ҳовлида яшайди. Улар узоқ йиллардан бери сариқ матбуотдан ва бегона кўзлардан йироқ жойда ёпиқ турмуш тарзини олиб бормоқда. Юлдузларнинг вилласи ҳозирда тахминан 27 миллион долларга баҳоланган. Уй Bey Point ҳудудида жойлашган бўлиб, машҳур жуфтлик фарзандлари хавфсизлиги ва махфийлиги учун барча шарт-шароитлар таъминланган. Майамида жойлашган уйнинг майдони 2000 кв/метр, унда уч нафар бола билан яшаш учун барча керакли нарсалар муҳайё.
Архитектура ва дизайн
Уй классик элементлар билан замонавий услубда жиҳозланган. Полдан шифтгача чўзилган деразалардан ажойиб океан манзараси кўриниб туради ва табиий ёруғлик манбайи келиб туради. Юқори шифтли кенг хоналар эркинлик ва кенглик ҳиссини беради. Интерерда оқ рангли деворлар, кулранг мебеллар ва минималистик декордан фойдаланилган.
Меҳмонхона ва ошхона
Уйнинг асосий хоналари ҳам кенг ишланган бўлиб, кираверишда барча оила аъзолари сиғадиган кенг диван туради. Меҳмонхонада камин ҳамда дам олиш бурчаги ҳам мавжуд.
Анна ва Энрикенинг уйидаги ошхона ҳар қандай ошпаз учун ҳақиқий орзудир. Кенг, замонавий жиҳозлар оилавий нонушта ва яхши кайфият учун идеал жойдир. Соғлом овқатланиш қоидаларига доим амал қиладиган Анна бу ерда оиласи учун тез-тез мазали ва фойдали таомлар тайёрлайди.
Болалар учун хоналар
Хонадонда 5 та ётоқхона, 5 та ҳаммом, 3 та болалар хонаси мавжуд. Уч фарзанд — эгизаклар Николай ва Люси ва кенжа қизи Мариянинг ҳар бири ўз хоналарига эга.
Ҳовли ва боғ
Уйнинг атрофи яшилликка тўла кенг боғлардан иборат. Океанга қараган катта бассейн оиланинг очиқ ҳавода дам оладиган ва болалар ўйнайдиган севимли жойларидан биридир. Бу ерда Анна ва Энрике кўпинча болалари билан вақт ўтказади. Оиланинг шахсий яхтаси ҳам бор. Улар унда тез-тез сайрга чиқади.
Махфийлик ва хавфсизлик
Уй атрофида бегоналардан ҳимоя қилувчи хавфсизлик тизими ўрнатилган. Бу шахсий ҳаётини қадрлайдиган ва ўз фарзандларини матбуот ва мухлисларнинг ҳаддан ортиқ эътиборидан ҳимоя қилишга интиладиган машҳур жуфтликлар учун жуда муҳимдир.
Изоҳ (0)