Еврокомиссия раиси Урсула фон дер Ляйен Польша раислигининг инаугурацияси муносабати билан Гданскда бўлиб ўтадиган ЕИнинг сайёр йиғилишига кела олмайди. Бу ҳақда Еврокомиссия матбуот котиби Стефан де Кеерсмакер хабар берди.
Унинг аниқлик киритишича, фон дер Ляйенга оғир пневмония ташхиси қўйилган.
Еврокомиссия матбуот котибининг сўзларига кўра, Польша раислигининг инаугурацияси муносабати билан учрашув бошқа куни бўлиб ўтади. Урсула фон дер Ляйен 9 ва 10 январь кунлари Польшада бўлиб ўтадиган Европа иттифоқининг сайёр йиғилишида раислик қилиши керак эди.
Де Кеерсмакернинг аниқлик киритишича, фон дер Ляйен касаллик туфайли 2025 йилнинг дастлабки икки ҳафтасида ўз вазифаларини бажармайди. Матбуот котиби Еврокомиссия раисининг соғлиғи ёки қайта белгиланган учрашувлар санаси ҳақида батафсил маълумот бермаган.
Ноябрь ойи охирида Европарламент фон дер Ляйен бошчилигидаги Европа комиссиясининг янги таркибини тасдиқлаган эди.
Страсбургда бўлиб ўтган ялпи мажлисда Европарламент аъзолари ушбу лавозимга қайта сайланган Урсула фон дер Ляйен бошчилигидаги Европа комиссиясининг янги таркибини, шунингдек, Европа иттифоқининг Олий вакили этиб эстониялик Кая Калласни кўпчилик овоз билан қўллаб-қувватлаган.
Овоз берган 688 депутатдан 370 нафари янги комиссияни қўллаб-қувватлаган, 282 нафари қарши, 36 нафари бетараф қолган.
Изоҳ (0)