Еврокомиссия Киевга 4,2 миллиард евро миқдоридаги ёрдамнинг янги транши ажратилишини маъқуллади. Бу ҳақда Еврокомиссия раҳбари Урсула фон дер Ляен Х ижтимоий тармоғида маълум қилган.
“Европа комиссияси Украина учун жамғарма доирасида деярли 4,2 миллиард евро миқдоридаги янги траншни маъқуллади”, деб ёзади у.
Аввалроқ Германия 2025 йилда Украинага ҳарбий ёрдамни икки бараварга қисқартириб, тўрт миллиард евро ажратиши ҳақида маълум қилганди.
2024 йил февраль ойи бошида ЕИ давлатлари Украинага блок бюджети доирасида 50 миллиард евро миқдорида молиявий ёрдам беришга келишиб олган эди. Еврокенгаш раҳбари Шарл Мишелнинг таъкидлашича, бу Украина учун доимий, узоқ муддатли ва башорат қилинадиган молиялаштириш имконини беради.
Изоҳ (0)