Еврокомиссия раҳбари Урсула фон дер Ляйен Европа иттифоқи сиёсати устидан чексиз назоратга эга бўлади. Бу ҳақда Politico нашри хабар берди.
Нашр мазкур хабарни у тайинлаш учун тақдим этган жамоа таркиби билан изоҳлаган. Журналистларга кўра, “ҳокимиятни эгаллаб олиш якунланган”.
“У ҳамма нарсани янада кўпроқ назорат қилади. Бундай бўлишини ким ҳам ўйлаган эди”, дейди Politico’нинг европалик расмий манбаси.
Нашр қайд этганидек, фон дер Ляйен жамоасида бирорта ҳам скептик қолмаган. Еврокомиссия раҳбари ўз жамоаси тузилганини эълон қилганида, у Европарламент ва шерикларига кимни қандай лавозимга тайинлаётганини айтишдан бош тортган.
Бунинг ўрнига, у парламент раҳбарлари билан учрашувни тарк этган ва тўғридан тўғри матбуот анжуманига борган, у ерда тафсилотларни очиқлаган. Politico’га кўра, қонунчилар уни парламентга ҳурматсизликда айблаган.
Изоҳ (0)