Еврокомиссия раҳбари Урсула фон дер Ляйен самолётда тоби қочган одамга биринчи ёрдам кўрсатди.
Бу ҳақда Bild нашри Swiss Air авиакомпаниясининг Цюрихдан Брюсселга учган рейсидаги йўловчилардан бирига таяниб хабар берди.
Биз Брюсселга учаётган эдик, йўловчилардан бирига ёрдам керак бўлиб қолди, одатдагидек, экипаж тиббий билимга эга бўлганлардан ёрдам беришни сўради, дея воқеани сўзлаб берди Еврокомиссия раҳбари.
Шундан сўнг Урсула фон дер Ляйен тоби қочган йўловчига биринчи тез тиббий ёрдамни кўрсатган.
Йўловчиларнинг айтишича, самолёт Брюсселга фавқулодда қўнишни амалга оширган ва у ерда бемор шифокорлар томонидан кутиб олинган. Қолганлар эса бу вақтда самолёт ичида кутиб туришган.
Ҳозирда беморнинг аҳволи қандай экани ҳақида маълумот йўқ.
Еврокомиссия раҳбари Ганновер тиббиёт мактабида тиббиёт факультетида таҳсил олган, у ерда 1991-йилда докторлик даражасини олган.
Bild нашрининг ёзишича, бу сиёсатчининг самолёт бортида тоби қочган йўловчига тез тиббий ёрдам кўрсатиши бўйича биринчи ҳодиса эмас.
6 ноябрь куни Европа комиссияси раиси Урсула фон дер Ляйен “Ўзбекистонда Европа иқтисодиёти кунлари” бизнес-форумининг очилиш маросимида иштирокчиларга видеомурожаат йўллади.
Мурожаатда у сўнгги йилларда Ўзбекистон ва Европа илгари мисли кўрилмаган даражада бир-бирига яқинлашганини таъкидлади.
Бугун Ўзбекистон яна дунёга очилмоқчи. Сиз нафақат Осиёда, балки глобал савдо йўналишлари ва инвестиция оқимларида ҳам ўз марказий ўрнингизни қайтармоқчисиз. Европа эса Ўзбекистоннинг минг йиллик тарихидаги ушбу янги бобда сизнинг ҳамкорингиз бўлишни истайди, деди у мурожаатида.
Изоҳ (0)