O‘zbekistonda 2025-yil 1-yanvarga qadar import bojxona bojining nol stavkalari belgilangan tovarlarga import bojxona bojining nol stavkasini qo‘llash muddati 2026-yil 1-yanvarga qadar uzaytirildi. Bu haqda prezidentning biznes uchun teng sharoit va adolatli raqobat muhitini ta’minlashga qaratilgan farmonida belgilandi.
Farmon bilan mahsulotlarning quyidagi toifalari nazarda tutilgan:
- cho‘chqa go‘shti va boshqa go‘sht (parranda go‘shtidan tashqari), shuningdek, cho‘chqa yog‘i va uy parranda yog‘i;
- go‘sht konservalari va boshqa mahsulotlar;
- konservalangan baliq va ikra;
- kefir, yogurt, paxta, quyultirilgan sut (qo‘shimchalar bilan va ularsiz);
- pishloqlar va tvorog;
- qobiqsiz tuxumlar, tuxum sarig‘i;
- piyoz, sarimsoqpiyoz, shalot piyoz va boshqa piyozli sabzavotlar;
- salat latuk, sikoriy;
- dukkaklilar;
- sabzavot konservalari;
- mevalar (xurmo, anjir, ananas, avokado, guava, mango va mangostin, olma, nok, behi) va yong‘oqlar;
- un (bug‘doy va javdardan tashqari);
- kartoshka granulalari;
- boshoqli don;
- non, non-bulka va makaron mahsulotlari;
- kokos va palma mag‘zi yog‘i;
- spageti, makaronlar, ugra, lazanya, ravioli kabi makaron mahsulotlari;
- shokolad, qandolatchilik mahsulotlari, vaflilar;
- murabbolar, marmeladlar, mevali jele, meva va yong‘oq pyuresi;
- konservalangan mevalar, yong‘oqlar va o‘simliklarning boshqa iste’mol qilinuvchi qismlari;
- qahva, choy yoki paragvay choyi yoki mate, aragvay choyining ekstraktlari, essensiya va konsentratlari, tayyor mahsulotlar;
- souslar va ziravorlar, xantal kukuni;
- tayyor sho‘rvalar va bulyonlar, ularni tayyorlashga yarim tayyor mahsulotlar;
- butilkali suv va ichimliklar;
- sochlar uchun vositalar;
- dezodorantlar, soqol olish uchun vositalar, parfyumeriya;
- bolalar kiyimi va ular uchun jihozlar;
- patak uzunligi 24 smgacha bo‘lgan poyabzal.
Farmon bilan, shuningdek, 2028-yilga qadar qo‘shilgan qiymat solig‘i va foyda solig‘i stavkalari oshirilmasligi belgilandi.
2025-yil 1-yanvardan 2028-yil 1-yanvarga qadar tikuv-trikotaj, poyabzal va charm-attorlik sanoati yo‘nalishlarida ishlab chiqarish faoliyatini yuritayotgan tadbirkorlik subyektlari uchun foyda solig‘i va o‘zlarining xodimlari uchun jismoniy shaxslardan olinadigan daromad solig‘i stavkalari 1 foiz etib belgilandi.
2025-yil 1-apreldan boshlab daromadidan qat’i nazar, farmatsevtika mahsulotlari savdosi bilan shug‘ullanuvchi yoki tibbiy xizmat ko‘rsatuvchi yuridik shaxslar qo‘shilgan qiymat solig‘ini to‘lovchilar deb e’tirof etiladi.
Izoh (0)