Президент Шавкат Мирзиёев «Юқори ликвидли ва монопол товарларни сотиш жараёнларига бозор механизмларини жорий этишни давом эттириш чора-тадбирлари тўғрисида»ги қарорни имзолади, деб хабар беради ЎзА.
Қарорга кўра, 2021 йил 15 июндан бошлаб қатор товарлар ички бозорда фақат биржа савдолари орқали бозор тамойиллари асосида реализация қилинади.
Хусусан, давлат иштирокидаги монопол компаниялар ва ташкилотлар қуйидагича сотади:
- поливинилхлорид (ПВХ) ва формалин — барча харидорларга;
- истеъмол этил спирти — ташкилий-ҳуқуқий шаклидан қатъи назар, тегишли лицензия ва мувофиқлик сертификатларига эга бўлган ишлаб чиқарувчиларга;
- техник этил спирти — барча харидорларга;
- кумуш — заргарлик буюмлари ишлаб чиқарувчиларга.
- цемент — ишлаб чиқариш ҳажмининг камида 50 фоизи;
- пахтадан олинган чигит, пахта мойи (жумладан, экстракция пахта мойи) ва қайта ишланган чигит чиқиндилари (шрот, шелуха) — ишлаб чиқариш ҳажмининг 100 фоизи;
- ташкилий-ҳуқуқий шаклидан қатъи назар, қазиб олувчи (газни қайта ишловчи, ишлаб чиқарувчи) ташкилотлар томонидан нефть ва газ конденсати — тегишли лицензия ва мувофиқлик сертификатларига эга бўлган ишлаб чиқарувчиларга.
Аввалроқ Ўзбекистонга цементни олиб киришда божхона божининг нол ставкаси қўлланилиши тўғрисида хабар берилганди.
Изоҳ (0)