“И операцияси” фильмидаги Лиданинг дугонаси эсингиздами? Актрисанинг тақдири қандай кечди ва у ҳозир қандай кўринишда?

Рус актрисаси Людмила Ковалец истеъдоди билан Россия давлат театр институти ўқитувчилари эътиборига тушган. Айнан ўша ерда талабага Леонид Гайдай “қараган” ва бу вақтда режиссёр “И операцияси ва Шурикнинг бошқа саргузаштлари” (“Операция Ы и другие приключения Шурика”) фильмидаги “Шайтон васвасаси” новелласидаги эпизодик қаҳрамон учун актриса излаётган эди. Ковалец фильмда Лиданинг дугонаси ролини ижро этди. Унинг комедиядаги роли жуда кичик бўлса-да, 1965 йилдаги премьерадан кейин Людмила шон-шуҳратга эришди.

Бироқ актрисанинг кутганидан фарқли ўлароқ, режиссёрлар унга иш бўйича янги таклифларини беришга шошилмади. Актриса ҳам оилани танлади: Людмила ўқишни тугатгандан сўнг, турмуш ўртоғи билан Тула драма театрига борди, актрисани у ерда ёруғлик дизайнери сифатида ишлашга таклиф қилишди. Людмила бошқа шаҳарда ўғил фарзандни дунёга келтирди, бироқ у ўз карьерасини тугатишни хоҳламади. У ёш режиссёр Михаил Moрeйдо билан учрашади ва унинг спектаклларида роллар ижро этишни бошлайди. Режиссёр 1972 йилда Ставрополга боради ва у ерда Людмила, унинг оиласига кўчиб ўтишни таклиф қилади. Шундан кейин актриса маҳаллий драма театрининг машҳур актрисасига айланди ва у ҳозирги кунгача театрда фаолият юритади.

Бундан ташқари, яқинда у фильмларда суратга тушишни давом эттиришга қарор қилди. Ковалец “Шиддатли Алекс” ва “Изқувар-4” фильмларида иккинчи даражали қаҳрамонлар ролини ўйнаган.