1965-yilda suratga olingan “I operatsiyasi” komediyasida talaba Shurik va kichkina Lenochka ishtirok etgan sahna tomoshabinlarning yodida bo‘lsa kerak. Oradan 60 yil o‘tib, filmda rol o‘ynagan aktyorlar tubdan o‘zgarib ketgan. Quyida kartinaning eng yosh aktrisasi nima uchun kino sohasini tanlamagani va filmdan keyingi taqdiri qanday kechgani haqida ma’lumot beramiz.
Gaydayga qizning filmdagi ijrosi yoqmagan
“I operatsiyasi” filmida kichkintoy Lena rolini Tatyana Gradova ijro etgan. U o‘sha paytda 4 yoshda bo‘lib, bolaligidanoq ijodiy muhitda o‘sgan: otasi Pyotr Gradov taniqli inson bo‘lib, Lyudmila Zikina, Jozef Kobzon, Lev Leshchenko ijro etgan qo‘shiqlarga she’rlar yozgan. Onasi Izida Maksimova Koshinskaya esa teatr aktrisasi bo‘lgan. Ularning oilasi Leonid Gayday bilan bitta ko‘p qavatli uyda yashagan va rejissor bilan do‘st tutingan. Shuning uchun Leonid Gayday Tanyani yangi filmining bir qismida suratga olish uchun mamnuniyat bilan taklif etgan. Aytgancha, u o‘z pijamasida ekranda paydo bo‘lgan.
Aytish kerakki, qizga filmda suratga tushish unchalik ham yoqmagandi. Chunki uning ko‘zi chiroqlarning yorqin nuridan og‘rib qolar, rejissyor esa norozi bo‘lar va doimo buyruq berib turardi. Chunki Tanya Gayday talab qilganidek ijro eta olmas edi. Shundan so‘ng Tatyan aktrisa bo‘lmaslikka qaror qilgan.
Tanya va Andrey onasini yo‘qotdi
“I operatsiyasi” suratga olinganidan bir yil o‘tib, Tanyaning onasi Izida halokatga uchradi, shifokorlar uni qutqara olmadi. Besh yoshli qiz va uning to‘qqiz yoshli akasi Andrey onasiz qoldi. Aka-singil mo‘jizaviy tarzda bu baxtsiz hodisadan omon qolgan — ular ham mashinada bo‘lgan, lekin jiddiy jarohat olmagan. Bolalarni buvisi va bobosi ularni o‘zi bilan olib ketgan. Otasi esa uzoq vaqt kasallikdan aziyat chekkan. Keyinchalik Andrey Gradov “Uchrashuv joyini o‘zgartirib bo‘lmaydi”, “Ayollarga g‘amxo‘rlik qiling”, “Kelajak mehmoni” filmlarida rol ijro etgan.
Adabiyotshunos, muharrir, reklama mutaxassisi
“I operatsiyasi”dan 10 yil o‘tgach Gradova yana sherigi Aleksandr Demyanenko bilan uchrashgan. Albatta, Shurik rolini o‘ynagan Aleksandr avvaliga uni tanimagan.
Maktabdan so‘ng Tanya GITISga o‘qishga kirdi, lekin aktyorlik emas, balki teatr yo‘nalishini tanladi, keyinchalik adabiyotshunos bo‘ldi. Sovet Ittifoqi parchalanganidan keyin u turli tadbirlar bilan shug‘ullangan, reklama shiorlarini yozdi.
Hozirda Tatyana xonim nimalar bilan band?
Tatyana turmushga chiqqach o‘g‘il farzand ko‘rdi, lekin nikohi uzoq davom etmadi. Tatyana o‘g‘lini yolg‘iz o‘zi tarbiyaladi. Hozirda Tatyana xonim she’r yozadi, jurnal tahrir qiladi. 2010-yilda “Sovet kino sirlari” hujjatli filmi namoyish etildi, unda Tatyana Gradova ham ishtirok etdi: u 4 yoshli qizni butun mamlakat bo‘ylab mashhur qilgan o‘sha kichik epizod haqidagi xotiralari bilan o‘rtoqlashdi.
Izoh (0)