Тарихда ўчмас из қолдирган севимли совет фильмларини қайта-қайта кўрганда зийрак томошабинлар илгари ҳеч ким пайқамаган турли хатоликларни аниқлайди. Бундай фильмлардаги хатоларга ҳар кимнинг муносабати ҳар хил. Баъзилар дарҳол режиссёрларни эътиборсизликда айблай бошласа, бошқалар буни севимли фильмини қайта кўриш учун яна бир сабаб деб тушунади.
“Ишдаги ишқ”
Верочка ва Людмила Прокофевна замонавий аёл қандай бўлиши кераклиги ҳақида суҳбатни давом эттириш учун офисдан мажлислар залига ўтиши биланоқ, Верочканинг тирноқларидаги лак ёрқин қизилдан тилла рангга ўзгаради.
Шунга ўхшаш ҳодиса Самохваловнинг галстуги билан ҳам содир бўлади: аввалига Самохвалов Калугина билан танишиш учун унинг хонасига кириб келганида галстук кўк ва олов ранг тусда бўлади.
Кейин у дўстлари Новосельцев ва Рижова билан танаффусга чиқади, у ерда қаҳрамоннинг галстуги олов ранг ва кумуш рангга ўзгаради. Самохвалов раҳбарнинг кабинетига қайтиб кирганида, аксессуар аввалги рангига қайтади.
Фильмнинг финал қисмида Калугина ва Новосельцев жанжаллашиб қолади. Новосельцев раҳбарни ҳақоратлагани учун ғазабланган Калугина унинг юзига бир стакан сув сепиб юборади. Хона деворларига ҳам сув сачрайди.
Бир неча сониядан сўнг қаҳрамонлар офис атрофида бир-бирини қувганда, деворда кичик томчилар кўринади. Яна бир дақиқадан кейин деворда аввалгидан катта доғлар “пайдо бўлиб қолади”.
Новосельцев Самохвалов олдидаги қарзини тўлаганидан кейин кўзойнагини ечади.
Бироқ бир зум ўтгач, худди шу кўзойнаклар яна тақилган ҳолатдаги кадр пайдо бўлади. Кейинги кадрда эса Новосельцев кўзойнаги яна унинг қўлида пайдо бўлади.
“Яна ўша Мюнхаузен”
Пастор бир ойнадан иккинчисига ўтганда, экранда электр розеткаси кўриниб қолган. Фильмдаги воқеалар эса XVIII асрда содир бўлади.
Мюнхаузен ойга учиб кетмоқчи бўлган сўнгги саҳналардан бирида барон бир сония ўз ҳакамларига қараб, уларга яқинлашади. Аммо бир секунддан сўнг экран ракурси ўзгарганда стол устидаги таомлар ҳам ўзгариб қолади.
Кўриб турганингиздек, арча остида турган хизматкор ҳам ғойиб бўлади.
Барон қаср ичига югуриб кираётган пайтда эса фонда бошдан оёқ замонавий кийимдаги саҳна ишчиларини кўришингиз мумкин.
“Карнавал”
Аввалига сўлиб қолган лолалар бир лаҳзадан сўнг Нинанинг қўлларида сеҳрли тарзда “тирилади”.
“Бриллиант қўл”
Геша Козодоев омадсизлик ороли ҳақида қўшиқ куйлаётган вақтда, унинг сочи жингалак бўлади. Кадр ўзгарганда эса сочлари текис ва таралган ҳолатда қўшиқ айтаётгани тасвирланади.
Семён Горбунковни жиноятчилар таъқиб қилганда унинг кийимлари дастлаб тиззаларигача доғ бўлади лекин у хонага югуриб кирганида, катта доғлар фақат кўйлагида борлигини кўриш мумкин.
Ушбу кадрда Лёликнинг мўйлови бир томондан деярли кўчиб кетган бўлади, бироқ орадан бир оз ўтиб, панжара ортига тушиб қолганида, актёр мўйловининг ўнг томони яна ўрнига ёпиштирилган ҳолатда намоён бўлади.
“Москва кўз ёшларга ишонмайди”
Катерина билан учрашувининг бошида Володянинг бармоғидаги никоҳ узуги унинг ўнг қўлининг номсиз бармоғида бўлади, бу унинг уйланган эканини англатади. Аммо квартирада узук тўсатдан ўрта бармоққа тақилади. Қизиғи, Вера унинг оиласи борлигини билади, шу сабаб узук ўрнини алмаштиришга ҳожат йўқ эди.
Озиқ-овқат дўконида Катерина аравасини консерва банкалари билан тўлдиради. У ердан чиқишда эса Вера Алентованинг қаҳрамони пиёз ва мевалар солинган ипли халта, қўлида кичик пакет ва кўпи билан ичига учта банка сиғадиган сумкани ушлаб туради.
Аслида, дўкондан харид қилган банкалар жуда оғир бўлиши керак, аммо актриса худди енгил нарсаларни кўтариб юргандек баланд пошнада енгил ҳаракатлар билан қадам ташлайди.
“Ы операцияси ва Шурикнинг бошқа саргузаштлари”
Шурик ва Лида имтиҳондан кейин унинг уйига қайтиб келишганда, Лида вентиляторни ёқиш учун девордаги ипга қўлини узатади.
Бироқ бир сониядан сўнг яқиндан олинган кадрда қизнинг билагузуги яққол кўриниб турган қўли кўрсатилади. Аввалги кадрга кўра, билагузук чап қўлда эди.
“Аёз бобо”
Бу кинодаги хатолик эса суратга олиш гуруҳининг айби билан содир бўлган. Марфуша Аёз бобони кутаётган саҳнада олма ейиши керак эди. Аммо улар олмаларни меҳмонхонада унутиб қолдиради ва бир дона мева учун ортга қайтмасликка қарор қилинади.
Натижада бечора Инна Чурикова олма ўрнига пиёзни иштаҳа билан ейди ва кетидан сут ичади.
Изоҳ (0)