Хитойнинг Бутунхитой халқ вакиллари кенгаши АҚШнинг 2025 йилги мудофаа бюджетида ХХРнинг обрўсизлантирилиши муносабати билан кескин норозилик билдирди.
Бутунхитой халқ вакиллари кенгаши ташқи ишлар қўмитаси расмий вакили Сюй Дун АҚШ мудофаасига 895 миллиард доллар миқдорида маблағ ажратилиши ҳақидаги ҳужжат имзоланишини изоҳлар экан, шундай деди:
“Биз бу борада кескин ва қатъий норозилик билдирамиз”.
Унинг аниқлик киритишича, ҳужжатнинг Хитойга оид “салбий қоидалари” “Хитой таҳдидини ҳаддан ташқари бўрттиришда давом этмоқда, Тайванга ҳарбий ёрдам бериш масаласи атрофида шов-шув кўтармоқда, Хитойнинг технологик ва иқтисодий ривожланишини тўхтатишга уринмоқда, Хитой-Америка ўртасидаги савдо-иқтисодий ва маданий алмашинувларни чекламоқда, Хитойнинг ички ишларига қўпол равишда аралашмоқда ҳамда Хитойнинг суверенитетига, хавфсизлигига ва ривожланиш манфаатларига путур етказмоқда”.
Хитойлик расмийнинг сўзларига кўра, Тайван масаласи, демократия, инсон ҳуқуқлари, сиёсий тизим ва ривожланиш ҳуқуқи “Хитойнинг қизил чизиқлари бўлиб, уларни кесиб ўтиб бўлмайди”.
АҚШ президенти Жо Байден 23 декабрь куни мамлакатнинг 2025-молиявий йилига мўлжалланган 895 миллиард долларлик мудофаа бюджетини тасдиқлади. Мазкур ҳужжатда Хитой 107 марта тилга олинган.
Изоҳ (0)