Ўзбекистон етти ойда 187 та мамлакат билан савдо алоқаларини амалга оширгани маълум қилинди.
Статистика агентлиги маълумотларига кўра, 2024 йилнинг январь—июль ойларида Ўзбекистон жаҳоннинг 187 та мамлакати билан савдо алоқаларини амалга ошириб, ташқи савдо айланмаси ҳажмини 36,8 миллиард АҚШ долларига етказган.
Ташқи савдо алоқасининг нисбатан салмоқли ҳиссаси Хитой (18,6 фоиз), Россия (18,5 фоиз), Қозоғистон (6,2 фоиз), Туркия (4,6 фоиз) ва Кореяда (3,2 фоиз) қайд этилган:
- экспорт – 14,8 миллиард доллар;
- импорт – 22 миллиард доллар.
Январь–июль ойларида Ўзбекистон экспорти ҳажми 1,01 фоиз камайди, импорти эса 10,1 фоизга ўсди. 2024 йилнинг етти ойи давомида республика ташқи савдо айланмаси 36,8 миллиард долларга етди. Бу 2023 йил мос давридагидан 1,9 миллиард долларга (5,3 фоиз) кўп. Мазкур ўсиш импорт ҳажми кескин ортгани билан боғлиқ. Хусусан, ташқи савдода экспорт улуши 14 миллиард 786 миллион доллар бўлган. Ўтган йил мос даврида бу кўрсаткич 14 миллиард 954 миллион долларни ташкил этган.
Жорий йил январь–июль ойларида импорт улуши 22 миллиард долларга етган. Таққослаш учун, 2023 йилнинг шу даврида импорт ҳажми 20 миллиард доллар бўлган.
Жорий ҳисобот даврида мамлакат ташқи савдосида қарийб 7,3 миллиард долларлик дефицит шаклланган.
![](https://daryo.uz/static/2024/08/21/2024-08-21_12-01-29-Mv3hM3kP.png)
Ўзбекистон ташқи савдосининг юқори улуши Хитой (18,6 фоиз), Россия (18,5 фоиз), Қозоғистон (6,2 фоиз) ва Туркия (4,6 фоиз) давлатларига тўғри келган.
Изоҳ (0)