Халқаро валюта жамғармаси (ХВЖ) экспертлари 2022 йилда Ўзбекистон иқтисодиёти ўсиш суръати илгари прогноз қилинган 6 фоизга нисбатан 3-4 фоизгача секинлашишини кутмоқда. Бу ҳақда Eureporter маълумот берди.
Жаҳон банки 2022 йилда Ўзбекистонда ялпи ички маҳсулот ўсиши 3,6 фоизгача секинлашишини прогноз қилмоқда.
Ўзбекистон Давлат статистика бошқармаси маълумотларига кўра, январь—март ойларида ЯИМ ўтган йилнинг мос даврига нисбатан 5,8 фоизга ошган.
ХВЖ Ўзбекистон иқтисодиётига асосий ҳамкорлар иқтисодининг секинлашуви салбий таъсир кўрсатиши мумкинлигини қайд этади. Вазият бир йил ичида қандай ёмонлашиши мумкинлиги ҳозирча аниқ эмас.
Қирғизистонда иқтисодиёт 2021 йилнинг шу давридаги 9 фоизга пасайиш билан солиштирганда 4,4 фоизга ўсди.
Қозоғистонда ҳам иқтисодий ўсиш 2021 йилнинг шу давридаги 1,4 фоиз пасайиш билан солиштирганда 4,4 фоизни ташкил этди.
Хитой ялпи ички маҳсулоти 1-чоракда 4,8 фоизга ўсди ва 4-чоракка нисбатан 1,3 фоиз тезлашди.
ХВЖ экспертлари Ўзбекистонда жорий операциялар тақчиллиги ялпи ички маҳсулотга нисбатан 9,5 фоизгача ошишини башорат қилмоқда.
Экспорт ҳажми 2,4 баробар ошиб, 5,8 млрд долларни ташкил этди, олтинни ҳисобга олмаганда экспорт ҳажми 16 фоизга ўсди, ноозиқ-овқат хом ашё экспорти эса 22 фоизга қисқарди, 1-чоракда импорт 45 фоизга ўсиб, 7,4 млрд долларни ташкил этди.
ХВЖ экспертлари 2022 йилда жаҳон озиқ-овқат ва ёқилғи нархларининг кескин кўтарилиши туфайли Ўзбекистонда йиллик инфляция 12 фоизни ташкил этишини прогноз қилмоқда.
Иқтисодий ўсишни қўллаб-қувватлаш
Банклар томонидан тадбиркорларга, озиқ-овқат ва халқ истеъмол товарлари ишлаб чиқарувчиларга хом ашё ва айланма маблағлар харид қилиш учун қўшимча 10 трлн сўм «айланма» кредитлар ажратилади.Мева-сабзавотчилик (2022 йилда 2 трлн сўм), оилавий тадбиркорлик (10 трлн сўм), ипотека (13 трлн сўм) ва таълим (1 трлн сўм) давлат дастурлари бўйича кредитлар ҳажми ва имтиёзли ставкалари сақланиб қолди.
Ҳудудлардаги кичик ва ўрта бизнес лойиҳаларини молиялаштиришга 300 млн доллар йўналтирилмоқда. Ушбу маблағлар миллий валютада 10 фоиз ставкада 7 йил муддатга банкларда жойлаштирилади. Шу билан бирга, тадбиркорларга бериладиган кредит ставкаси 14 фоиздан ошмайди.
Шунингдек, президент қарорига мувофиқ, 2023 йил 1 апрелга қадар юқори қўшимча қийматли товарларни экспорт қилувчи маҳаллий корхоналарга экспорт учун транспорт харажатларини қоплаш учун субсидиялар ажратилади: яқин хорижга транспорт харажатларининг 50 фоизигача, Европа Иттифоқи мамлакатларига эса 70 фоизгача.
Аввалроқ Жаҳон банки Ўзбекистон ялпи ички маҳсулоти 2022 йилда 4,3 фоизга ўсишини прогноз қилганди.
Изоҳ (0)