Европа мамлакатлари, хусусан, Германия ҳозирда туғилишнинг пастлиги туфайли йўқ бўлиб кетиш арафасида турибди.
Бундай фикрни SpaceX ва Tesla асосчиси, америкалик миллиардер Илон Маск Х ижтимоий тармоғидаги саҳифасида ёзиб қолдирди.
“Улар (Германия ва бошқа Европа давлатлари) йўқ бўлиб кетиш хавфи остида”, — деди у.
Маскнинг сўзларига кўра, Германия ва Европа туғилишнинг пастлиги туфайли чуқур инқирозга учраган.
Илгари миллиардер инсоният катта демографик инқироз хавфига дуч келаётгани, бунинг натижасида бутун халқлар йўқ бўлиб кетиши мумкинлиги ҳақида огоҳлантирган эди.
Маск Италия, Франция ва Япония маданиятлари ҳам хавф остида эканлигини таъкидлади.
Аввалроқ Илон Маск 400 миллиард доллардан кўп бойликка эга дунёдаги биринчи инсонга айлангани хабар берилганди.
Bloomberg миллиардерлар индексига кўра, SpaceX асосчисининг капитали 439,2 миллиард долларни ташкил этмоқда.
АҚШдаги президентлик сайловларида Дональд Трамп ғалаба қозонганидан кейин тадбиркорнинг мулки кескин ошди. Маск, шунингдек, республикачининг бўлажак ҳукуматида ҳам ўрин эгаллади.
The New York Times федерал ҳужжатларга таяниб ёзганидек, миллиардер Трампга сайловда ғалаба қозонишига ёрдам бериш учун 250 миллион доллардан ортиқ маблағ сарфлаган.
Изоҳ (0)