Америкалик бизнесмен Илон Маскнинг фикрича, глобал инқироз 2024 йилнинг баҳоригача давом этиши мумкин. Бу ҳақда «РБК» хабар бермоқда.
Тадбиркор Dogecoin криптовалютаси ҳаммуассиси Билли Маркуснинг Twitter’даги постига жавоб тариқасида бу ҳақида прогнозларини билдирган.
Коронавирусдан касалланиш ҳолатлари жуда паст. Ўйлайманки, ҳозир ташвишланишимиз керак бўлган нарса — яқинлашиб келаётган глобал рецессия ва ядровий апокалипсисдир, — деб ёзади Маркус.
Маск бунга жавобан, ҳақиқатан ҳам «даҳшатли глобал ҳодисасиз яна камида бир йил яшасак яхши бўларди» деб таъкидлади.
Бунга жавобан Маркус тадбиркорнинг рецессия қанча давом этиши ҳақидаги фикрларини сўради.
Менда фақат тахминлар бор — эҳтимол, 2024 йилнинг баҳоригача, — деб ёзган Маск.
Ўтган ҳафта Халқаро валюта фонди келаси йилги глобал иқтисодий ўсиш прогнозини июль ойида кутилган 2,9 фоиздан 2,7 фоизга туширди.
Маълумотларга кўра, жорий ёки кейинги йилда жаҳон иқтисодиётининг учдан бир қисми қисқариши ва учта йирик иқтисодиётда — АҚШ, Европа Иттифоқи ва Хитойда рецессия давом этиши прогноз қилинмоқда.
Кўпчилик учун 2023 йилдаги вазият рецессия сифатида қабул қилинаётган бўлса ҳам, энг ёмони ҳали олдинда, — дейди ХВФ бош иқтисодчиси.
Аввалроқ Халқаро валюта фонди 2023 йилда глобал ЯИМ прогнозини пасайтиргани ҳақида хабар берилганди.
Изоҳ (0)