Умид Обидхўжаев иқтисодиёт ва молия вазири ўринбосари этиб тайинланди.
У тайинловга қадар Макроиқтисодий ва ҳудудий тадқиқотлар институти директори лавозимида ишлаб келган.
Умид Обидхўжаев 1987 йилда Наманганда туғилган. 2009 йилда Вазирлар Маҳкамаси ҳузуридаги Тошкент Ислом университетини, 2014 йилда Япониянинг Кеё университетининг магистратура босқичини ҳамда 2017 йилда Япониянинг Кеё университетининг докторантура босқичини иқтисодиёт йўналиши бўйича тамомлаган.
Меҳнат фаолиятини 2009 йилда Давлат мулки қўмитасининг Ташқи алоқалар ва жамоатчилик билан алоқалар бошқармаси етакчи мутахассиси лавозимида бошлаган.
Японияда Осиё тараққиёт банки институти, Осиё тараққиёт банкининг Осиё ва Тинч океани минтақасидаги инфратузилма инвестицияларини баҳолаш институти, Япониядаги Кеё университети, Иқтисодиёт ва саноат вазирлигида фаолият юритган.
У 2019 йилнинг октябридан Макроиқтисодий ва ҳудудий тадқиқотлар институти директори лавозимига тайинлангунига Президент Администрацияси ҳузуридаги Иқтисодий тадқиқотлар ва ислоҳотлар маркази (CERR) директори ўринбосари лавозимида ишлаб келаётганди.
Изоҳ (0)