Бухоро вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Мирали Ҳамроев ўз аризасига кўра лавозимидан озод қилинди. Бу ҳақда вилоят ҳокимлиги матбуот хизмати хабар берди.
Унинг ўрнини Бахтиёр Адилов эгаллади.
Адилов 1986 йил 22 июнда Бухоро шаҳрида туғилган. 2008 йилда Бухоро давлат университетини битирган. Маълумоти бўйича мутахассислиги — иқтисодчи.
Айни пайтга қадар у Бухоро вилояти Иқтисодиёт ва молия бош бошқармаси бошлиғи вазифасида ишлаб келаётган эди.
Аввалроқ Бухоро вилоятининг Пешку, Вобкент, Қоровулбозор туманлари ҳамда Когон шаҳрида ҳокимлар ўзгаргани ҳақида хабар берилганди.
29 ноябрь куни президент Шавкат Мирзиёев Бухоро вилоятида қўшимча имкониятларни юзага чиқариш, инвестиция ва иш ўринларини кўпайтириш чора-тадбирлари бўйича йиғилиш ўтказган эди. Унда Бухорода ҳокимлар, уларнинг ўринбосарлари ва сектор раҳбарлари 6 ой фавқулодда иш тартибига ўтиши белгиланганди.
Изоҳ (0)