Зафар Азимов камбағалликни қисқартириш ва бандлик вазирининг биринчи ўринбосари этиб тайинланди. Бу ҳақда вазирлик матбуот хизмати хабар берди.
Камбағалликни қисқартириш ва бандлик вазирининг биринчи ўринбосари лавозимида 2022 йилнинг декабридан Нозим Ҳусанов ишлаб келаётганди. У 2023 йилнинг апрелида лавозимидан озод этилган. Айни пайтга қадар ушбу лавозим вакант эди.
Зафар Азимов Тошкент молия институтининг бакалавриат (2002—2006 йиллар) ва магистратура (2006—2008 йиллар) босқичларини тамомлаган. У 2007—2019 йилларда Марказий банкда турли раҳбарлик лавозимларида, шу жумладан, иқтисодиёт тармоқларини молиялаштириш департаменти директори сифатида фаолият юритган. 2019—2021 йилларда “Ўзсаноатқурилишбанк”да бошқарув раиси ўринбосари бўлган.
Сирожиддин Бобоқулов камбағалликни қисқартириш ва бандлик вазирининг ўринбосари вазифасини бажарувчи этиб тайинланди.
Тайинловга қадар у бош вазири котибияти “Маҳалла еттилиги”, ёшлар сиёсати ва маънавият масалалари департаменти Ташқи меҳнат миграцияси масалалари бўлими бошлиғи лавозимида фаолият юритган. Тайинловга қадар 2021 йилдан “Халқ банки” бошқаруви раисининг биринчи ўринбосари сифатида ишлаб келаётганди.
Бундан аввал Алишер Муратов камбағалликни қисқартириш ва бандлик вазири ўринбосари этиб тайинланганди.
Камбағалликни қисқартириш ва бандлик вазирлигига 2024 йил 23 сентябридан Ботир Зоҳидов раҳбарлик қилиб келмоқда.
Изоҳ (0)