Мамлакатда муомалага чиқарилаётган банк пластик карталари улуши кескин ўсмоқда.Бу ҳақда Марказий банк маълум қилди.
Ўзбекистонда 2025 йил 1 апрель ҳолатига кўра, жами 62 млн 351 минг донадан ортиқ банк пластик карталари муомалага чиқарилган.
Мазкур санадан бир йил аввалги кўрсаткич 48 млн 373 мингдан ортиқроқ бўлган. Яъни йиллик ўсиш қарийб 14 млн донага етган.
Марказий банк келтирган рақамларда мамлакатда ўрнатилган тўлов терминаллари сони камайганини кўриш мумкин. Жумладан, 2024 йил 1 апрелда республикадаги терминаллар сони 430 минг 66 та бўлган. 2025 йил апрелига келиб эса мазкур рақам 424 минг 143 тани ташкил этган.
Шу билан бирга, ўрнатилган банкомат ва инфокиосклар сони ўсиб бораётганини кўриш мумкин. Ўтган йил апрелида 26 минг 986 та, жорий йил мос даврида 33 минг 650 та.
Изоҳ (0)