FIFA футбол бўйича 2030 ва 2034 йилги Жаҳон чемпионати мезбонларини расман эълон қилди. Бу ҳақда 11 декабрь куни ўтказилган FIFA конгресида маълум қилинди.
Унга кўра, ЖЧ-2030 Марокаш, Португалия ва Испанияда ўтказилади. Шунингдек, учта ўйин Жанубий Америкада – Уругвай, Парагвай ва Аргентинада ташкил этилади.
Шундай қилиб, илк марта футбол бўйича Жаҳон чемпионати учта қитъа ва олти давлатда ўтказилади.
Чемпионатнинг асосий ўйинлари Марокаш, Испания ва Португалияда ўтказилади. Очилиш ўйини Уругвайда ўтказилади ва мезбон мамлакат миллий жамоаси учрашувда иштирок этади. Аргентина ва Парагвай миллий жамоалари ҳам ўз гуруҳларидаги илк ўйинларни ўз мамлакатларида ўтказади.
2034 йилги Жаҳон чемпионатига эса Саудия Арабистони мезбонлик қилиши расман эълон қилинди. Саудияда ўтадиган мундиал қишда бўлиб ўтади.
Изоҳ (0)