2034 йилда Саудия Арабистонида бўлиб ўтадиган футбол бўйича жаҳон чемпионати ўта иссиқ ёз мавсуми ва мусулмонлар учун муқаддас Рамазон ойини ҳисобга олган ҳолда январь ойида бўлиб ўтиши мумкин. Бу ҳақда Тhе Times нашри хабар бермоқда.
Футбол бўйича биринчи қишки жаҳон чемпионати 2022 йилнинг ноябрь декабрь ойларида Қатарда бўлиб ўтди.
“FIFA мусобақа ўтказилиш муддати бўйича изоҳ бермади. Бу ҳақда келаси ҳафта расман эълон қилиниши кутилмоқда. Бироқ 2022 йилда Қатарда ўтказилган Жаҳон чемпионати сингари мундиални ёз фаслида ўтказиш имконияти мавжуд эмас. Ҳафта охирида эълон қилинган FIFA аризаларни баҳолаш ҳисоботида айтилишича, мусобақа режалаштирилаётганда “иқлим шароити”, Рамазон ҳамда Рождество каби “диний воқеликлар” инобатга олиниши лозим”, деб ёзади нашр.
Аввалроқ Халқаро олимпия қўмитаси (ХОҚ) ижрочи директори Кристоф Дуби февраль ойида Солт-Лейк-Сити шаҳрида 2034 йилда ўтказиладиган қишки Олимпия ўйинлари ва Саудия Арабистонида бўлиб ўтадиган Жаҳон чемпионатининг параллел равишда ўтказилиши хавфи ниҳоятда кичик эканини маълум қилганди.
Изоҳ (0)