Осиё минтақасидаги Жаҳон чемпионати саралашининг 6-туридан кейин Sofascore учрашувларда энг юқори баҳога лойиқ кўрилган футболчилардан иборат рамзий жамоани эълон қилди.
Унга кўра, Ўзбекистон миллий жамоаси дарвозабони Ўткир Юсупов турнинг рамзий жамоасидан ўрин олган. Айнан у КХДР жамоаси тепган пенальтини бартараф этиб, Ўзбекистон дарвозасининг даҳлсизлигини сақлаб қолган эди.
Шунингдек, таркибга Жанубий Корея миллий жамоаси ҳужумчиси Сон Ҳён Мин киритилган. Фаластинга қарши учрашувда “Тоттенҳэм” футболчиси гол киритган эди. Эрон дарвозасига иккита гол урган Қирғизистон миллий жамоаси ҳамда Самарқанднинг “Динамо” клуби ҳужумчиси Кожо Жоэл, Қатар дарвозасига 4 та гол йўллаган БАА ярим ҳимоячиси Фабио Лима ҳам тур рамзий жамоасидан ўрин олган.
Япония ва Индонезия жамоаси ҳимоячилари ҳам юқори баҳога лойиқ кўрилган.
Изоҳ (0)