Жаҳон чемпионати саралашидан ўрин олган Қатарга қарши учрашувда Ўзбекистон терма жамоаси аъзолари Элдор Шомуродов ва Отабек Шукуров жароҳат олди.
-dcqRHJOT.jpg)
Баҳснинг биринчи бўлимининг дастлабки дақиқаларида жароҳат олган Элдор Шомуродов ўрнини Жалолиддин Машариповга бўшатиб берди. Отабек Шукуров эса жароҳат билан учрашувнинг сўнгги дақиқаларигача ҳаракат қилди.
Миллий терма жамоага яқин бўлган манбанинг “Дарё”га маълум қилишича, Элдор Шомуродов ва Отабек Шукуров жароҳат сабаб 19 ноябрь куни бўлиб ўтадиган Шимолий Кореяга қарши учрашувни ўтказиб юбориши мумкин.
“Рома” клуби ҳужумчисининг жароҳати бир оз жиддий экани айтилмоқда.
Маълумот учун, Остон Ўрунов ҳам ноябрдаги ўйинларни жароҳат сабаб ўтказиб юбормоқда.
Қатар—Ўзбекистон баҳси мезбонларнинг 3:2 ҳисобидаги ғалабаси билан тугади. Ўзбекистон терма жамоаси ушбу мағлубиятдан сўнг ҳам турнир жадвалида иккинчи ўринда бормоқда. Жамоа кейинги турни Шимолий Кореяга қарши 19 ноябрь куни ўтказади.
Изоҳ (0)