ЖЧ — 2026 саралаши. Қатар сўнгги дақиқаларда урилган гол эвазига ғалабани илиб кетди

Жаҳон Чемпионати — 2026 3-саралаш босқичи доирасида 5-тур ўйинлари ўтказилди. Унда Ўзбекистон миллий терма жамоаси меҳмонда Қатар билан баҳс олиб борди. 

Биринчи бўлимнинг 25-дақиқасида мезбонлар ҳужумчиси Али Алмоез ҳисобни очди. Орадан 16 дақиқа ўтгач, ҳисобни иккитага оширди – 2:0.

Элдор Шомуродов ушбу бўлимда жароҳат олиб ўйинни давом эттира олмаслиги маълум бўлди. Унинг ўрнига Жалолиддин Машарипов туширилди, иккинчи бўлим аввалида эса Бобир Абдухолиқов ўйинга қўшилди. 

75-дақиқага келиб Аббосбек Файзуллаев Алиқуловнинг узатмасини боши билан голга айлантирди. Орадан 5 дақиқа ўтиб яна Файзуллаев катта саҳнага чиқди. Бу сафар Машариповнинг ҳаволатиб узатган тўпини Аббосбек Файзуллаев голга айлантира олди – 2:2.

Бош ҳакам томонидан ўйиннинг асосий вақтига қўшиб берилган дақиқалар якунига етиб, 112-дақиқага етганда қатарлик футболчи гол уриб, терма жамоаси ғалабасини таъминлади.

Қатар — Ўзбекистон 3:2

Доҳа, “Жассим бин Ҳамад” стадиони

Ҳакамлар: Ким Жонг Хёк, Парк Кюнг Ёнг, Жанг Жонг Пил, Чаэ Санг Хёп (барчаси Корея Республикаси)

ВАР: Ким Хигон (Корея Республикаси)

АВАР: Чои Хюнжаи (Корея Республикаси).

Голлар: 1:0 — 26, Алмоез Али, 2:0 — 41, Алмоез Али, 2:1 — 75, Аббосбек Файзуллаев, 2:2 — 80, Аббосбек Файзуллаев, 3:2 — 90+12, Лукас Мендес.

Қатар: 22.Мешъал Баршам, 4.Муҳаммад Ваад, 5.Тари Салмон, 7.Аҳмад ал-Ганеҳи, 10.Акрам Афиф, 12.Лукас Мендес, 13.Иброҳим Муҳаммад, 15.Бассам Ал Рави, 16.Буалем Хухи, 19.Алмоез Али, 20.Аҳмед Фати Абдулла.

Захира: 1.Саад Ал Шиб, 21.Марван Шериф Бадрелдин, 2.Ал Маҳди Али Мухтор, 3.Абдулла Ал Язиди, 6.Абдул Азиз Ҳатим, 8.Жассим Жобир Абдулсалам, 9.Муҳаммад Мунтари, 11.Юсуф Абдурисаг, 14.Ҳомам Аҳмед, 17.Мустафо Тариқ Машал, 18.Султон Ал Браке, 23.Абдулраҳмон Фаҳми Мустафо.

Ўзбекистон: 1.Ўткир Юсупов, 2.Абдуқодир Ҳусанов, 3.Ҳожиакбар Алижонов, 7.Отабек Шукуров, 9.Одил Ҳамробеков, 13.Шерзод Насруллаев, 14.Элдор Шомуродов, 18.Абдулла Абдуллаев, 19.Азизбек Турғунбоев, 22.Аббосбек Файзуллаев, 23.Ҳусниддин Алиқулов.

Захира: 12.Абдувоҳид Неъматов, 16.Ботирали Эргашев, 4.Фаррух Сайфиев, 5.Рустам Ашурматов, 6.Акмал Мозговой, 8.Жамшид Искандеров, 10.Жалолиддин Машарипов, 11.Азизбек Амонов, 15.Умар Эшмуродов, 17.Бобир Абдихолиқов, 20.Ҳожимат Эркинов, 21.Абдурауф Бўриев.