Имом Бухорий номидаги Тошкент ислом институти педагоглар жамоасининг кенгайтирилган йиғилиши бугун, 6 декабрь куни бўлиб ўтди. Бу ҳақда Ўзбекистон мусулмонлари идораси матбуот хизмати хабар берди.
Йиғилишда ташкилий масала кўрилиб, тарих фанлари бўйича фалсафа доктори (PhD) Уйғун Ғафуров институт ректори этиб тайинлангани эълон қилинди.
Аввалроқ Ғафуров Ўзбекистон халқаро ислом академияси ректори лавозимидан озод этилганди.
Шу кунга қадар мазкур институт ректори вазифасида ишлаган профессор Муҳаммадолим Муҳаммадсиддиқов Ўзбекистон мусулмонлари идораси раисининг ёшлар ишлари бўйича ўринбосари лавозимига тайинланди.
Маълумот учун, доктор, профессор, Муҳаммадолим Муҳаммадсиддиқов 2023 йилнинг январидан буён ректор лавозимида ишлаб келаётган эди.
Изоҳ (0)