Фанлар академиясининг ҳақиқий аъзоларини тасдиқлаш тўғрисидаги президент фармони қабул қилинди.
Президентнинг 2023 йил 28 февралдаги фармони билан тасдиқланган 2022 – 2026 йилларга мўлжалланган Янги Ўзбекистоннинг тараққиёт стратегиясини “Инсонга эътибор ва сифатли таълим йили”да амалга оширишга оид давлат дастурининг 173-бандига мувофиқ, Фанлар академияси ташкил топганининг 80 йиллигини кенг нишонлаш, мамлакат илм-фани нуфузини янада ошириш, илмий-технологик салоҳиятини юксалтиришда академик илм-фаннинг ролини кучайтириш мақсадида:
1. Фанлар академияси Ҳайъати ва тегишли фан ихтисосликлари бўйича фаолият кўрсатаётган ҳақиқий аъзоларининг тавсиясига асосан қуйидагилар Фанлар академиясининг ҳақиқий аъзоси этиб тасдиқланди:
Физика-математика фанлари бўйича
- Ахмедов Бабомурот Жураевич - Фанлар академияси Мирзо Улуғбек номидаги Астрономия институти лаборатория мудири
- Абдуллаев Фатхулла Хабибуллаевич - Фанлар академияси Физика-техника институти бош илмий ходими
- Розиков Уткир Абдуллоевич - Фанлар академияси В.И.Романовский номидаги Математика институти директори ўринбосари
Кимё фанлари бўйича
- Туляганов Дилшат Убайдуллаевич - Тошкент шаҳридаги Турин политехника университети кафедра мудири
- Сагдуллаев Шамансур Шахсаидович - Фанлар академияси С.Ю. Юнусов номидаги Ўсимлик моддалари кимёси институти директори
- Турабджанов Садритдин Махаматдинович - Ислом Каримов номидаги Тошкент давлат техника университети ректори
- Реймов Ахмед Мамбеткаримович - Бердақ номидаги Қорақалпоқ давлат университети ректори
Биология фанлари бўйича
- Давранов Кахрамон - Фанлар академияси Микробиология институти директори
Техника фанлари бўйича
- Садиков Илхам Исмаилович - Фанлар академияси Ядро физикаси институти директори
Қишлоқ хўжалиги фанлари бўйича
- Намазов Шадман Эргашович - Пахта селексияси, уруғчилиги ва етиштириш агротехнологиялари илмий-тадқиқот институти директори ўринбосари
Тарих фанлари бўйича
- Зиё Азамат Хамид ўғли - Фанлар академияси Тарих институти директори
Иқтисодиёт фанлари бўйича
- Тухлиев Нурислам - Ўзбекистон халқаро ислом академияси профессори
Филология фанлари бўйича
- Сирожиддинов Шуҳрат Самариддинович - Алишер Навоий номидаги Тошкент давлат ўзбек тили ва адабиёти университети ректори
Педагогика фанлари бўйича
- Ибраимов Холбой - Т.Н. Қори Ниёзий номидаги Ўзбекистон педагогика фанлари илмий-тадқиқот институти директори
Тиббиёт фанлари бўйича
- Мусабаев Эркин Исакович - Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт марказининг Вирусология илмий-тадқикот институти директори
Психология фанлари бўйича
- Шаумаров Гайрат Бахрамович - “Профи университети” нодавлат таълим ташкилоти ректори
2. Фанлар академияси президенти Б.С.Йўлдошев Фанлар академиясининг тасдиқланган ҳақиқий аъзоларининг асосий фаолият йўналишлари доирасида 2024 йилга мўлжалланган “Йўл хариталари”ни тасдиқласин, ижросини назоратга олсин ва режалаштирилган барча тадбирларни тегишли вазирлик ва идоралар билан биргаликда амалга оширилишини таъминлаш юзасидан зарур чораларни кўриши белгиланди.
“Йўл хариталари”да Фанлар академиясининг тасдиқланган ҳақиқий аъзолари томонидан, жумладан, қуйидаги йўналишлардаги тадбирлар амалга оширилиши назарда тутилади:
- илмий-тадқиқот ва инновацион фаолият;
- илмий натижаларни амалиётга жорий қилиш;
- жойларда илмий мактабларни ривожлантириш;
- ўз фаолиятига тегишли ҳудудий ва тармоқ муаммоларининг илмий асосланган ечимларини ишлаб чиқишда фаол иштирок этиш;
- таълим жараёнида иштирок этиш, иқтидорли ёшларни илмий фаолиятга жалб қилиш;
- халқаро илмий ҳамкорликни ривожлантириш, халқаро миқёсда Ўзбекистон илм-фани нуфузини юксалтириш;
- илм-фан тараққиётини таъминлаш ва инновацион жараёнларни жадаллаштириш борасида мамлакатимизда амалга оширилаётган тизимли ислоҳотларнинг мазмун-моҳиятини, замонавий илм-фан ютуқларини жойларда кенг тарғиб қилиш.
3. Фанлар академияси президенти Б.С.Йўлдошев Фанлар академиясининг тасдиқланган ҳақиқий аъзоларининг 2024 йилга мўлжалланган “Йўл хариталари” ижроси мониторингини юрицин ҳамда йилнинг ҳар чорак якунлари бўйича Вазирлар Маҳкамасига таҳлилий маълумот киритиб бориши белгиланди.
4. Мазкур фармоннинг ижросини назорат қилиш Бош вазири Абдулла Арипов ва президент Администрацияси Ижтимоий ривожланиш департаментининг раҳбари зиммасига юклатилди.
Изоҳ (0)