Imom Buxoriy nomidagi Toshkent islom instituti pedagoglar jamoasining kengaytirilgan yig‘ilishi bugun, 6-dekabr kuni bo‘lib o‘tdi. Bu haqda O‘zbekiston musulmonlari idorasi matbuot xizmati xabar berdi.
Yig‘ilishda tashkiliy masala ko‘rilib, tarix fanlari bo‘yicha falsafa doktori (PhD) Uyg‘un G‘afurov institut rektori etib tayinlangani eʼlon qilindi.
Avvalroq G‘afurov O‘zbekiston xalqaro islom akademiyasi rektori lavozimidan ozod etilgandi.
Shu kunga qadar mazkur institut rektori vazifasida ishlagan professor Muhammadolim Muhammadsiddiqov O‘zbekiston musulmonlari idorasi raisining yoshlar ishlari bo‘yicha o‘rinbosari lavozimiga tayinlandi.
Maʼlumot uchun, doktor, professor, Muhammadolim Muhammadsiddiqov 2023-yilning yanvaridan buyon rektor lavozimida ishlab kelayotgan edi.
Izoh (0)