«Умра зиёратлари сайёҳлик агентликлари ассоциацияси» давлат рўйхатидан ўтказилди. Бу ҳақда ассоциацияси раиси Шерзод Сами «Дарё»га маълум қилди.
Айтилишича, ассоциацияга 10 та агентлик кенгаш аъзоси сифатида қабул қилинган.
«Мақсадимиз агентликлар томонидан йўл қўйилаётган хато ва камчиликларни биргаликда бартараф этиш, бир-бирларимизга кўмаклашишдан иборат. Шунингдек, ассоциацияни Ҳаж комиссияси аъзолигига киритишни ҳам режалаштириб турибмиз», — деди Шерзод Сами.
Ассоциациянинг ижрочи директори этиб ИИВнинг собиқ мулозими Нуримон Абулҳасан жамоага таништирилган. Нуримон Абулҳасан узоқ йиллар Ҳаж комиссияси раиси сифатида ҳам фаолият юритган.
Подполковник Нуримон Абулҳасан 2019 йилда ИИВ Терроризмга қарши курашиш бош бошқармаси бўлим бошлиғи этиб тайинланган. У 2018 йил апрелидан Дин ишлари бўйича қўмита раиси ўринбосари — Диний-ижтимоий жараёнларни ўрганиш ахборот-таҳлил маркази директори лавозимида фаолият кўрсатган.
У Тошкент ислом институти (1994) ва Мисрдаги Ал-Азҳар университетини (1997) тамомлаган. Дин ишлари бўйича қўмита, Президент девони ва ИИВ тузилмасида турли лавозимларда ишлаган.
Мавзуга доир:
- Ўзбекистон ва Саудия Арабистони ҳаво қатнови тўғрисида битим имзолайди
- «Мақсадимиз ҳожи ва Умра зиёратчиларига барча ишларни енгиллаштириш» – Саудия Арабистони ҳаж ва умра ишлари вазири Тавфиқ бин Фавзон ар-Рабиа
- Ўзбекистонликлар учун Ҳаж ва Умра квоталари оширилади
- Ўзбекистонликлар учун Ҳаж ва Умра нархларини арзонлаштириш муҳокама этилди
Изоҳ (0)