Фаолиятини тўхтатган “Муштум” журнали, Сурхондарёда экологик талабларга жавоб бермайдиган 2 та корхона фаолияти тўхтатилиши, Фарғонада ўқитувчи 5-синф ўқувчисига телефонини отиб, унинг бошини ёриши – “Дарё” нашри бугун, 6 мартда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда интернет орқали гиёҳванд моддалар сотганлик учун жазо кучайтирилади
Мамлакатда бундай воситаларни тарқатиш ва реклама қилишнинг янги усулларидан фойдаланиш кескин ортмоқда.
Самарқандда 10 кунда тўрт нафар гўдак вафот этгани маълум бўлди
Прокуратура органлари томонидан уларнинг ўлим сабаблари ўрганилмоқда.
Ўзбекистонда БМТ принциплари миллий статистика тизимига жорий этилади
Хусусан, БМТ томонидан маъқулланган дастур асосида Миллий сифатни бошқариш қўлланмаси ишлаб чиқилади.
Фарғонада ўқитувчи 5-синф ўқувчисига телефонини отиб, унинг бошини ёрди (видео)
Ҳозирда ИИБ ўқитувчининг ҳаракати юзасидан терговга қадар текширув олиб бормоқда.
Ўзбекистонда 2019 йилдан бери 1000 дан ортиқ манба тақиқланган — Олий суд
Ушбу манбалардаги материаллар диний ақидапарастлик, экстремистик ва террористик ғояларни тарғиб этишга йўналтирилган деб топилган.
“Маданият марказига ҳеч ким кирмайди, қаровсиз, лекин штат бор, ойлик олишяпти”. Зоир Мирзаев вилоятдаги истироҳат боғлари ва маданият уйлари хароблиги ҳақида
Бу ҳақда вилоят раҳбари маданият ва санъат соҳаси вакиллари билан учрашувида гапирган.
Бухорода ўриндиқлари тешик аттракцион борлиги ҳақидаги хабарлар рад этилди
Ижтимоий тармоқларда носоз ҳолдаги аттракцион тасвири акс этган видео тарқатилганди.
Халқаро ислом савдо-молия корпорацияси Ўзбекистонга 100 млн доллар ажратади
Ушбу маблағлар мамлакат аграр секторининг барқарорлиги ва ривожланишини қўллаб-қувватлашга имкон беради.
Ўзбекистондаги мактабларда таълим сифатига салбий таъсир кўрсатаётган омиллар аниқланди
Умумтаълим тизимига давлат харажатлари юқори бўлишига қарамай, тизимдаги сифат пастлигича қолаётгани сабаб Макроиқтисодий ва ҳудудий тадқиқотлар институти экспертлари таҳлил ўтказди.
Ўзбекистонда ҳар 100 та уй хўжалигига қанча автомобиль тўғри келиши маълум қилинди
Шунингдек, Статистика агентлиги ҳар 100 та уй хўжалигига тўғри келадиган телевизорлар сонига оид маълумотлар билан бўлишди.
Ўзбекистон Лихтенштейн билан дипломатик муносабатлар ўрнатди
Бу Ўзбекистон билан Европа давлатлари ўртасидаги ҳамкорликни фаоллаштириш йўлидаги муҳим қадам бўлди.
“Қодирий отилгандаям ёпилмаганди”. “Муштум” журнали фаолиятини тўхтатгани маълум қилинди
Журнал ёпилишига молиявий қийинчиликлар сабаб бўлгани айтилмоқда.
Ўзбекистонда ўтган қиш фасли қандай бўлди? Мавсумдаги максимал ва минимал ҳарорат маълум қилинди
Қор қопламли кунлар сонига кўра, февраль энг қорли ой бўлди.
“Мен жамиятимизда амалда аёлларга мутлақо тенг имкониятлар берадиган тизимли ўзгаришлар бўлишини истардим” — Саида Мирзиёева
Президент ёрдамчиси Ўзбекистон дунё бўйича гендер тенглиги соҳасида энг самарали ривожланаётган давлатлар бешлигига киргани юзасидан фикр билдирди.
Ўзбекистонда олтин қуймалари нархи кетма-кет учинчи кун рекорд даражада ошди
Беш граммли олтин қуймалари нархи 4,4 миллион сўмдан ошди.
Тошкентдан қатновчи шаҳарлараро электропоездлар учун ягона тариф белгиланди
Ушбу тариф 2024 йилнинг 20 март санасидан жорий қилинади.
Самарқандда корхона раҳбари ярим млрд сўм имтиёзли кредитни ўзлаштириб юборгани аниқланди
Ҳолат юзасидан тергов ҳаракатлари ўтказилмоқда.
Ўзбекистоннинг 2016–2023 йилларда аҳоли жон бошига ҳисобланган ялпи ички маҳсулоти қандай ўзгарди?
Статистика агентлиги 8 йиллик кўрсаткичларни тақдим этди.
Сурхондарёда экологик талабларга жавоб бермайдиган 2 та корхона фаолияти тўхтатилди
Вилоят Экология бошқармаси томонидан экологик текширувлар ўтказилди.
Мутасаддилар огоҳлантирилди: Шавкат Мирзиёев Тошкент вилоятининг имкониятларини тўлиқ ишга солиш юзасидан танқидий руҳда йиғилиш ўтказди
Унда айрим ҳокимлар ҳатто ўз ҳудудида “пастга тушмаган”, тадбиркорни қўллаб-қувватлаш, иш ўринларини кўпайтиришга ҳаракат қилмагани қайд этилди.
Изоҳ (0)