Vazirlar Mahkamasining qarori bilan Muzaffar Komilov O‘zbekiston xalqaro islom akademiyasi rektori lavozimiga tayinlandi. Bu haqda Din ishlari bo‘yicha qo‘mita matbuot xizmati xabar berdi.
Uyg‘un G‘afurov esa boshqa ishga o‘tishi munosabati bilan akademiya rektori lavozimidan ozod etildi.
4-dekabr kuni Muzaffar Komilov prezidentning din va millatlararo munosabatlar masalalari bo‘yicha maslahatchisi lavozimidan ozod etilgandi.
Komilov 2018-yilning aprelida Din ishlari bo‘yicha qo‘mita raisining o‘rinbosari etib tayinlangandi. Davlat rahbarining maxsus topshirig‘i va tegishli qaroriga asosan 2021-yil 25-maydan Muzaffar Komilov O‘zbekiston xalqaro islom akademiyasi rektori vazifasini bajargandi.
2022-yilning iyun oyida Muzaffar Komilov prezidentning jamoat va diniy tashkilotlar bilan hamkorlik masalalari bo‘yicha maslahatchisi lavozimiga tayinlangandi.
2023-yilning sentyabr oyida Uyg‘un G‘afurov O‘zbekiston xalqaro islom akademiyasi rektori lavozimiga tayinlangandi.
O‘zbekiston xalqaro islom akademiyasi “Diniy-ma’rifiy soha faoliyatini tubdan takomillashtirish chora-tadbirlari to‘g‘risida”gi Prezident farmoniga binoan 2018-yilning aprelida tashkil etilgan.
Izoh (0)