Жанубий Кореянинг мухолифатдаги энг йирик “Тобуро” партияси президент Юн Сок Ёл ва мудофаа вазири Ким Ён Хённи давлатга хиёнатда айбламоқчи. Бу ҳақда Yonhap хабар берди.
Бундай айблов ҳарбий ҳолат тўғрисидаги қарорни қабул қилиш ва унга боғлиқ ҳаракатларни қўллаб-қувватлаганлик ортидан берилиши мумкин. “Тобуро” партияси аллақачон Юн Сок Ёлдан истеъфога чиқишни талаб қилган, акс ҳолда импичмент процедураси бошланади.
Президент истеъфосини Жанубий Корея касаба уюшмалари федерацияси ҳам талаб қилиб, улар муддатсиз иш ташлашни бошлаганини эълон қилди. “Тобуро” баёнотига кўра, давлат раҳбарининг хатти-ҳаракатлари “конституцияни бузган ва жаноб Юн ҳарбий ҳолат эълон қилиш учун зарур бўлган талаблардан бирортасини бажармаган”.
Бу исённинг жиддий ҳаракати ва импичмент учун ажойиб сабаб, дейилади партия баёнотида.
Жанубий Кореяда ҳарбий ҳолат
Жанубий Корея президенти Юн Сок Ёл 3 декабрь куни кечқурун мамлакатда фавқулодда ҳарбий ҳолат эълон қилди. У 45 йил ичида мамлакатда ҳарбий ҳолат эълон қилган биринчи давлат раҳбари бўлди. Парламент ва сиёсий партияларнинг фаолияти тақиқланди. Давлат раҳбари бу қарорни “конституциявий тартибни ҳимоя қилиш ва мамлакат ичидаги Шимолий Корея тарафдорларини йўқ қилиш” зарурати билан изоҳлади.
Ҳукумат ҳаракатларидан норози бўлиб, парламент биноси олдида намойишчилар тўпланди. Полиция парламентга киришни тўсиб қўйди ва шаҳар кўчаларида ҳарбий техника пайдо бўлди.
Бир неча соатдан сўнг 300 депутатдан 190 нафари парламентга киришга муваффақ бўлди ва ҳарбий ҳолатни бекор қилиш учун овоз берди. Мухолифат етакчиси Ли Же Мен президент қарорини “конституцияга зид” деб атади ва уни “халққа қарши” қадам сифатида қоралади. Кечроқ Жанубий Корея президенти мамлакатда жорий этилган ҳарбий ҳолатни бекор қилишга рози бўлди.
Изоҳ (0)