АҚШ давлат котиби Энтони Блинкен Украинадаги сафарбарлик масаласини танқидий деб атади ва Киевни бу соҳада “қийин, аммо зарур қарорлар” қабул қилишга чақирди.
Унинг сўзларига кўра, сафарбарлик Украина учун жуда муҳим, чунки зарур маблағ ва қурол билан ҳам фронтда одамлар бўлиши керак.
“Украина кейинги сафарбарлик борасида қийин қарор қабул қилиши керак, аммо бу зарурий қарор бўлади”, деди Блинкен.
Аввалроқ АҚШ президенти Жо Байден маъмурияти Украинага армия сонини тезда ошириш учун сафарбар қилишнинг минимал ёшини 25 ёшдан 18 ёшгача туширишни таклиф қилган эди. Шундан сўнг Украина етакчиси Владимир Зеленский Украина армиясида қурол-яроғ йўқлигини ҳисобга олиб, 18 ёшдан ошган фуқароларни Украинага сафарбар қилиш мақсадга мувофиқ эмаслигини айтган.
2024 йил 18 майда Украинада сафарбарликни кучайтирувчи қонун кучга кирган эди. Қонунга кўра, сафарбарлик чоғида 18 ёшдан 60 ёшгача бўлган эркаклар ўзлари билан ҳар доим ҳарбий рўйхатга олинганлик тўғрисидаги ҳужжатни олиб юришлари ва уни ҳудудий қабул қилиш маркази вакилининг илтимосига биноан тақдим этишлари шарт.
Қонун эълон қилинганидан кейин ҳарбий хизматни ўташга мажбур бўлган барча шахсларга 60 кун ичида амалдаги яшаш манзили, алоқа маълумотлари ва бошқа ҳарбий рўйхатга олиш маълумотларига аниқлик киритилиши шарт.
Мобилизация тўғрисидаги қонун лойиҳаси Олий Радага икки марта киритилган. Ҳукумат уни илк бор парламентга декабрь ойида юборган, бироқ жамоатчилик норозилигидан кейин ҳужжат қайта кўриб чиқиш учун юборилган. Қонун лойиҳасининг янги таҳрири Олий Радага январь ойи бошида киритилган, 7 февралда эса биринчи ўқишда маъқулланган эди. Ҳужжатни ёқлаб 450 нафар депутатдан 283 нафари овоз берган.
Мазкур қонун лойиҳасидан ҳарбий ҳолат шароитида 36 ой хизмат қилган ҳарбий хизматчиларни демобилизация қилиш тўғрисидаги низом армия бош қўмондони Александр Сирскийнинг талаби билан олиб ташланган. AFP’нинг қайд этишича, бу фронтдаги кўплаб украиналик аскарларнинг норозилигига сабаб бўлган.
Изоҳ (0)