Германия Украина армиясига F-16 қирувчи самолётларини етказиб беришдан бош тортди. Бу ҳақда Германия ҳукумати расмий вакили Штеффен Ҳебештрайт маълум қилди.
Унинг сўзларига кўра, бошқа давлатлар аллақачон Киевга F-16 қирувчиларини топширишга тайёргарлик кўрмоқда. Украиналик учувчилар эса мазкур авиатехникалардан фойдаланиш бўйича тайёргарликдан ўтмоқда.
“Украинага ҳар хил турдаги қирувчи самолётларни етказиб беришдан маъно йўқ. Қирувчи самолётлар ташқи кўринишидан ўхшаш бўлса-да, улар бошқарувда жуда фарқланади. Бу эса узоқ муддатли тайёргарликни тақозо этади”, деди Ҳебештрайт.
Аввалроқ АҚШ давлат котиби Энтони Блинкен Дания ва Нидерландия Американинг F-16 қирувчи самолётларини Украинага беришни бошлагани ҳақида маълум қилганди. Унинг сўзларига кўра, самолётлар шу ёзда Украина осмонида пайдо бўлади. Норвегия ҳам жорий йилда олтита F-16 қирувчиларини Украинага юборишини эълон қилган.
Изоҳ (0)