Шимолий Корея етакчиси Ким Чен Ин Россия президенти Владимир Путин билан учрашувда Россияни Украина билан урушда ҳар томонлама қўллаб-қувватлашга ваъда берди.
Путин Кимга кўрсатган ёрдами учун миннатдорлик билдирган ва икки давлат ўзаро ҳамкорликни мустаҳкамлаш бўйича келишув имзолаган.
Янги фундаментал ҳужжат узоқ муддатли муносабатларимиз асосига айланади, — дейди Россия раҳбари.
Путин КХДРга Россия сиёсатини, шу жумладан Украина йўналишида изчил ва сўзсиз қўллаб-қувватлагани учун миннатдорлик билдирган.
Кимнинг айтишича, унинг мамлакати Россия ҳукумати, армияси ва халқи билан Украинада суверенитет, хавфсизлик манфаатлари ва ҳудудий яхлитлигини ҳимоя қилиш учун махсус ҳарбий операция ўтказишда тўлиқ қўллаб-қувватлайди ва улар билан бирдам.
Аввалроқ АҚШ давлат котиби Энтони Блинкен НАТО раҳбари Йенс Столтенберг билан учрашувдан сўнг журналистлар билан суҳбатда Шимолий Корея Россияга Украинага қарши ҳужумда қўллаш учун катта миқдордаги ўқ-дорилар ва бошқа қуролларни етказиб беришини айтган эди. У, шунингдек, Эрон тинч аҳоли ва фуқаролик инфратузилмасига қарши қўлланиладиган қурол-яроғлар, жумладан, дронлар етказиб беришини қўшимча қилган.
Изоҳ (0)