Малайзия бош вазири Анвар Иброҳим АҚШнинг Россия билан дўстликдан тийилиш чақириғини рад этиб, Малайзия ўзи қарор қабул қиладиган суверен давлат эканини таъкидлади.
Frее Malaysia Today порталига кўра, Анвар Иброҳим Лаосда бўлиб ўтган ASEAN саммитида АҚШ давлат котиби Энтони Блинкен билан учрашувда АҚШга шундай жавоб берганини айтган. Шу билан бирга, Малайзия бош вазири ўз суҳбатдошини “Москва билан дўст бўлишни тўхтатиш” чақириғини эмас, балки бир соат давомида Яқин Шарқдаги можаро ва сармоявий имкониятларни муҳокама қилишга чақирган.
“Мен шундай жавоб бердим: бу сизнинг муаммонгиз. Биз мустақил, суверен давлатмиз, халқимиз ва миллатимиз учун ўзимиз қарор қабул қиламиз”, дейди Иброҳим.
Куала-Лумпурнинг Москва билан муносабатлари Анвар Иброҳимнинг сентябрь ойида Россияга икки кунлик амалий ташрифи ва Россия президенти Владимир Путин билан икки томонлама учрашувидан сўнг янада мустаҳкамланган эди.
Изоҳ (0)