Футбол бўйича Жаҳон Чемпионати—2022 саралаши доирасида Ўзбекистон миллий терма жамоаси 11 июнь, жума куни Яман билан баҳс юритди.
Беллашувда ҳисоб 19-дақиқага келиб очилди. Иброҳимхалил Йўлдошевга нисбатан жарима майдончаси ичида ишлатилган қўполлик эвазига пенальти белгиланди. 11 метрлик жарима зарбасини Жалолиддин Машарипов голга айлантирди. Жамоалар танаффусга шу ҳисобда йўл олди.
Иккинчи 45 дақиқалик эса ўртача темпда ўтди ва дарвозаларга бошқа тўп киритилмади. Фақатгина 81-дақиқага келиб, Яман дарвозасига яна пенальти белгиланганди. Аммо Одил Аҳмедов жарима зарбасини ноаниқ амалга оширди.
Гуруҳнинг иккинчи ўйинида Саудия Арабистони Сингапурдан 3:0 ҳисобида устун келди.
Ушбу ғалабадан кейин Вадим Абрамов шогирдларининг очколари сони 15 тага етди. 1-ўриндаги Саудия Арабистонинг ҳисобида эса 17 очко бор. Агар Ўзбекистон сўнгги турда Саудияни мағлубиятга учраца, 1-ўрин билан кейинги босқич йўлланмасини қўлга киритади.
D гуруҳидаги вазият билан танишинг:
ЖЧ—2022 саралаши
11 июнь, жума
Яман — Ўзбекистон 0:1
Голлар: 0:1 — 19 Машарипов.Ўзбекистон: 12.Санжар Қувватов, 2.Исломжон Қобилов, 3.Ҳожиакбар Алижонов, 7.Одилжон Ҳамробеков, 8.Икром Алибоев (6.Аброр Исмоилов, 62), 9.Одил Аҳмедов, 10.Жалолиддин Машарипов, 14.Элдор Шомуродов (21.Игорь Сергеев, 90), 15.Умарбек Эшмуродов (5.Рустамжон Ашурматов, 46), 19.Санжар Қодирқулов (18.Вагиз Галиулин, 75), 23.Иброҳимҳалил Йўлдошев (13.Олег Зотеев, 90).
Яман: 22.Муҳаммад Хайралаҳ, 4.Мудир Ал Радаеи, 5.Алаа Алдин Маҳди, 6.Жиҳод Аҳмад, 8.Жалол ал-Жалол, 10.Муҳсин Муҳаммад Ҳасан, 13.Аҳмед Абдулвоҳид, 16.Носсир ал-Гахваши, 17.Муфид Жамол (9.Умар Ал Даҳи, 72), 19.Муҳаммад Али Боқшан, 20.Эмад Мансур Тавфиқ (12.Аҳмед Маҳер, 70).
Огоҳлантириш: 13.Аҳмед Абдулвоҳид (18), 8.Икром Алибоев (45+2), 19.Муҳаммад Али Боқшан (64), 14.Элдор Шомуродов (77), 10.Муҳсин Муҳаммад Ҳасан (79).
Изоҳ (0)