2034-yilda Saudiya Arabistonida bo‘lib o‘tadigan futbol bo‘yicha jahon chempionati o‘ta issiq yoz mavsumi va musulmonlar uchun muqaddas Ramazon oyini hisobga olgan holda yanvar oyida bo‘lib o‘tishi mumkin. Bu haqda The Times nashri xabar bermoqda.
Futbol bo‘yicha birinchi qishki jahon chempionati 2022-yilning noyabr-dekabr oylarida Qatarda bo‘lib o‘tdi.
“FIFA musobaqa o‘tkazilish muddati bo‘yicha izoh bermadi. Bu haqda kelasi hafta rasman e’lon qilinishi kutilmoqda. Biroq 2022-yilda Qatarda o‘tkazilgan Jahon chempionati singari mundialni yoz faslida o‘tkazish imkoniyati mavjud emas. Hafta oxirida e’lon qilingan FIFA arizalarni baholash hisobotida aytilishicha, musobaqa rejalashtirilayotganda “iqlim sharoiti”, Ramazon hamda Rojdestvo kabi “diniy voqeliklar” inobatga olinishi lozim”, deb yozadi nashr.
Avvalroq Xalqaro olimpiya qo‘mitasi (XOQ) ijrochi direktori Kristof Dubi fevral oyida Solt-Leyk-Siti shahrida 2034-yilda o‘tkaziladigan qishki Olimpiya o‘yinlari va Saudiya Arabistonida bo‘lib o‘tadigan Jahon chempionatining parallel ravishda o‘tkazilishi xavfi nihoyatda kichik ekanini ma’lum qilgandi.
Izoh (0)