Дунёнинг энг йирик банкларидан бири — Bank of China собиқ бошқаруви раиси ва партия қўмитаси котиби Лю Лянже порахўрликда айбланиб, ўлим жазосига ҳукм қилинди.
Бу ҳақда Хитой Халқ Республикаси Олий халқ прокуратураси маълум қилди.
“Сзинан шаҳри оралиқ халқ суди собиқ партия қўмитаси котиби ва Bank of China бошқаруви раиси Лю Лянжени пора олганликда айблаб, ўлим жазосига ҳукм қилди. Жазонинг ижро этилиши икки йил муддатга тўхтатиб турилади. Шунингдек, Лю Лянже барча сиёсий ҳуқуқлардан умрбод маҳрум қилинади ҳамда унинг барча шахсий мулклари мусодара этилади”, дейилади хабарда.
Bank of China мамлакатдаги энг қадимги банк бўлиб, Хитойнинг “Катта тўртлик” банкларидан бири ҳисобланади. Bank of China 1942 йилгача пул эмиссиясида иштирок этган мамлакат банкларидан бири эди. Ҳозирги вақтда мамлакат марказий банки ролини Хитой Халқ банки бажаради.
Аввалроқ Шимолий Кореяда оқ рангдаги тўй либоси кийганлар ва қуёшдан ҳимояловчи кўзойнак таққанлар қатл этилиши мумкинлиги хабар қилинганди.
“Эндиликда оқ рангдаги тўй либослари, кўк жинси шимлар кийганлик ёки қуёшдан ҳимояловчи кўзойнак таққанлик учун қаттиқ жазо қўлланади”, дея Yonhap агентлиги хабар берган.
Нашрга кўра, янгиланган кодекслар доирасида ўлим жазоси назарда тутилган янги жиноятлар, жумладан, давлатга қарши ташвиқот, шунингдек, қуролни ноқонуний ишлаб чиқариш ва ундан фойдаланиш кабилар ҳам қўшилган.
Изоҳ (0)