Кўплаб интернет фойдаланувчиларининг фикрича, ушбу ёқимтой ит Леди Гага ёки Сиa билан бемалол рақобатлаша олади. Тўғри, у қўшиқ айтишни билмайди, лекин текис кесилган чёлкаси ва ҳурпаган юнги билан мазкур хонандаларга ўхшаб кетади.
Кучукнинг лақаби Бонтенмару, эгаси эса Томойо Мацуура. Эгасининг айтишича, бу митти жониворнинг ҳаёт тарзи бошқа кучукларникидан фарқ қилмайди: эрталаб у сайрга чиқади, тушдан кейин эса ухлашни яхши кўради. Бонтемару аллақачон интернет юлдузига айланган: унинг Instagram’да 25 мингга яқин обуначиси бор. Ёқимтойлиги учун эса уни реклама роликларида суратга тушишга таклиф қилишади.
Ҳозирда Бонтемару 6 ёшда. Эгаси уни оддий ҳайвонлар сотиладиган дўкондан сотиб олган. Томойонинг айтишича, у кучукни тасодифан кўриб қолган ва шу заҳотиёқ уни ёқтириб қолган.
Бонтемарунинг, аниқроғи, унинг эгасининг диди чаккимаслигини жониворнинг тартибли турмаги ва кийиниш услубидан ҳам сезиш мумкин.
Бонтемару ши-тцу зотига мансуб бўлиб, бу қадимий зотлардан ҳисобланади. Айтишларича, бу генотип бўрилар авлодига жуда яқин наслдир.
Итларнинг бу зоти Хитой императорлари томонидан тақиқланган тур бўлган. Яъни бундай кучукларни фақатгина император оиласигина боқиши мумкин бўлган. Агар оддий аҳолидан кимдир шундай итга эгалик қилса, унга ҳатто ўлим жазоси ҳам қўлланилган.
Шундай қилиб, бундай итларга 1920 йилгача қироллик оиласи эгалик қилган. Истисно ҳолатларда эса шахсан қиролнинг ўзи бирор сарой амалдорига бу зотни совға қилиши мумкин бўлган.
Мавзуга доир:
- Табиатдан яхшироқ рассом йўқлигини исботловчи бир-биридан ажойиб жониворлар суратлари
- Митти қаҳрамон: орқа оёқларисиз яшаётган алпака (фото)
- От, мушук, тўти: Ўзбек шоу-бизнеси вакилларининг севимли жониворлари (фото)
- Ҳайвонлар инсонларни улар ўйлаганидан ҳам кўра кўпроқ яхши кўришини исботловчи суратлар (фото)
- Ғайриоддий ташқи кўриниши билан ҳар қандай инсонни ҳайратга солувчи жонзотлар (фото)
Изоҳ (0)