Туркиянинг Titra Teknoloji компанияси янги Дели камикадзе дронини ишлаб чиқди, у 25 октябрь куни Истанбулдаги СAHA Эхпо мудофаа кўргазмасида биринчи марта тақдим этилди. Бу ҳақда Daily Sabah хабар бермоқда.
Мутахассислар синовларни якунламоқда, уларнинг ҳисоб-китобларига кўра, ушбу қурилма 2022 йил охиригача истеъмол учун етказиб берилиши мумкин.
Дрон автоном ва қўлдан бошқариш режимларида ҳаракатлана олади, уни олиб юриш осон бўлиб, 15 дақиқа ичида фойдаланиш учун тайёр ҳолатга келтириш мумкин. Учувчисиз учар қурилма радиоэлектрон кураш воситаларига қарши турадиган ускуналар билан жиҳозланади.
Дрон соатига 180 километр тезликка эриша олади, 3,5 минг метргача баландликка кўтарилиши мумкин. У жангларда 150—500 метр баландликда қўллаш мумкин бўлади. Қурилма 3,1 килограмм вазнга эга жанговар ўқларни таший олади.
Аввалроқ Украинадаги уруш турк дронларига талабнинг ортишига хизмат қилаётгани хабар берилган эди. Бундан ташқари, Туркиянинг Bayraktar ТB2 зарба берувчи учувчисиз учар қурилмалар ишлаб чиқаришга ихтисослашган Baykar компанияси Украинада ўз бўлинмасини очган ва ушбу мамлакатда завод қуришга тайёрланмоқда.
Изоҳ (0)