Қозоғистонда қурилиши режалаштирилаётган ANKA турк дронлари заводи 30 та учувчисиз учар аппаратни ишлаб чиқариш қувватига эга бўлади. Бу ҳақда Туркия Мудофаа саноати бошқармаси бошлиғи Исмоил Демир маълум қилди.
Заводни қуриш бўйича келишув 2022 йилнинг май ойида имзоланган эди. Эндиликда корхонанинг режалаштирилган ишлаб чиқариш қуввати маълум бўлди.
Туркия томони Қозоғистон армияси учун дронларга техник хизмат кўрсатиш ва таъмирлаш бўйича технологияларни беради ва кадрларни тайёрлайди. Қозоғистон ANKA дронларини ишлаб чиқаришни йўлга қўядиган биринчи хорижий давлатга айланди.
Изоҳ (0)